Assunta Spina: In due atti

SCENA PRIMA

La folla. Ai loro posti gli uscieri Sgueglia e Torelli. Avvocati che sopraggiungono. L'avvocato Buffa. Portieri. Guardie. Un prete. Contadini, etc. Gran mormorio. Tutto il parlato e il movimento seguono in fretta.

Avvocato Franceschelli, noi siamo qua!

Oh! Carissimo! Dunque? C'è motivo?

Altro! Ce ne stanno dduie. Siamo a cavallo!

Ah, neh? E ghiate dicenno… (gli si mette a fianco. Movono verso la sinistra).

Ecco qua: sulla prima posizione c'è la mancanza di presentazione di parte…

Benissimo!

Sulla seconda… (viano, discorrendo, per la sinistra).

Neh, scusate, sapite stu presidente… (leggendo sul telegramma) Presidente Laudati… Addó sta?

Laudati? (si volge all'Uffiziale Sgueglia che siede al banco rimpetto) Neh, on Diodá?

Jate dicenno.

'O presidente Laudati a che sezione sta?

No! Scusate! Sono dodici e sessanta!

Sono tredici e sessanta! Mo nce avessemo mparà pure a fare l'addizione?

Sarà…

No. Che sarà? È! È!

Don Diodà?

Chi è? Laudati? 'A sesta Sezione, (si rimette a discutere) Verificate meglio…

A mano sinistra, 'a primma porta. (Il fattorino va via in fretta. Torelli si rimette a scrivere).

Cerini a due scatole per un soldo! Fabbrica la Baschiera! Cerini inglesi! Due scatole per un soldo! (fa il giro delle tavole).

'On Anié, fosse venuto 'o prufessore Buffa?

È benuto e se n'è ghiuto.

Sapite si torna?

E io che ve pozzo dì?

Allora mo mm'assetto e ll'aspetto. (siede accanto a Torelli e si mette a leggere carte legali).

Aulisio!

Qua, qua!

Aulisio Giuseppe!

Mo'! Nu mumento! Presente!

E ghiammo, ja'!

Peppenè! Passa 'a chesta parte! Assettámmece! (le due donne vanno a una scranna in fondo e vi seggono) Nannina addo' stà?

Io nun pozzo passà! (appare e si fa largo. Ha un marmocchio in braccio).

Viene, viene, assèttete!..

Giovanni Malatesta! Malatesta Giovanni!

Signori miei, permettete…

Giovanni Malatesta!

Presente! (va alla 3ª Sezione ed entra).

'On Anié, permettete… Mo vengo. Si vene 'o prufessore, facitelo aspettà. (via per la destra).

Tredici, ventuno, ventotto… Fate, fate… Trentasette, cinquantacinque…

Due scatole per un soldo! Incoraggiate la piccola industria! Due scatole di cerini per un soldo! (con voce lamentosa) Signori, incoraggiate…

Guagliò! Sí afflittivo, sa!..

Incoraggiate… (si volta a Sgueglia).

E battenne! Ca ccà stammo cchiù scuraggiate 'e te! (Il cerinaro, che continua a dar la voce, s'allontana. Al signore che gli siede accanto) E voi vorreste ca ncopp' 'a Procura Generale se spicciassero dint 'a dduie tre ghiuorne? Ma che pazziate?

Don Diodà, avite visto 'o giovene mio?

Mme pare ca mo steva ccà. Dimandate a don Aniello. (indica con lo sguardo Torelli, che seguita a scrivere).

Professore Buffa stimatissimo!

Ai piedi vostri! Che c'è?

Vi dovrei parlare…

Nu mumento… (a Torelli) 'On Anié, 'mme date nutizia d' 'o giovene mio?

Mo steva ccà assettato…

Neh?.. (al signore) Accomodatevi, 'on Aniello è cosa nostra. Dunque?.. (siede anche lui, continuando ad asciugarsi il sudore).

Dunque, prufessò, l'affare è grave!..

Grave?.. E comme? S'è fatto grave da un giorno all'altro?

Eh, prufessore mio! Leggete qua… (cava carte dal petto. Buffa legge).

Tarallucce frische! Na buona marenna!..

Vicie', viene vide! Trase!

E che causa se fa?

'O figlio d' 'a Zincarella: p' 'o juoco piccolo…

Levateve 'e cappielle, ca ccà nu 'state mmiez' 'a strata!

La Corte si ritira! Uscite fuori! (la folla esce dall'8.ª Sezione e si sparpaglia. Il Portiere chiude le porte).

Neh, Federí, saie addo' se venneno 'e sicarre?

'A chella parte. (indica a destra) E ched' è, nun ce ne jammo?

Sentimmece primmo 'a sentenza. Vuo' venì a fumà?

E ghiammo… (viano per la destra. La folla va e viene e s'indugia e si mescola ad altra folla che sopraggiunge).

Giuvà, chiamma a Ciccillo!

Qua Ciccillo? Chillo se n'è sciso!

Addò se n' è sciso? Uh! Puozze passà nu guaio! Chille mo 'o chiammano! Va, curre, va abbascio, va 'o chiamma!.. (lo spinge, e rientra nella 3.ª Sezione).

Neh, Céccì!.. (grida, camminando).

Gue'! Oh! E che staie mmiez' 'a strata?

Ched'è? Ccà strilleno tutte quante…

Ma tu 'e' ntiso ca non 'e' alluccà?..

E nu' v'amariggiate!

Piantone!

Comandi! (rompe la folla e accorre).

E bi' che se passa! (rincamminandosi) Neh, Céccì! (grida più forte) Céccì!.. (via in fretta).

Prufessó, io sto qua!

Oh! Bravo, 'on Rafè! M'avite fatto sta in penziero!

Mme so ghiuto a mangià nu pagnuttino.

Eccomi a voi. (al cliente che si è alzato). A ogni modo io v'avevo preparato 'a lettera per il curatore del fallimento. (la cava dal petto) Eccola qua. Che ve pozzo dì? Fate buone cose e fatemelo sapere… (gli stende la mano).

Così spero, prufessó. Allora arrivederci (via).

Arrivederci. 'On Rafè, venimmecenne a nuie…

Sto qua.

Tengo nu giovene ca va tant'oro quanto pesa! Dunque, 'on Rafè, per oggi v'è poco da fare.

Eh! Meno male.

Dovreste andare un momento in cancelleria e copiarvi quel processetto di Zamparella. Uscendo dalla Cancelleria mm'avarisseve fa 'o piacere 'e v'addunà nu mumento 'a Cassazione per quell'affare di Taglialatela. E, passanno passanno, vedete a S. Domenico se 'o Cancelliero v'ha preparato chelli ccarte p' 'a Pretura. Si ve l'ha preparate, faciteme 'o favore, jate nu mumento 'a Pretura 'e Furia, ccà vicino, so' quatte passe. E' 'a llà, si ve putite allungà nu mumento fino 'a casa mia, mme lassate Zamparella abbascio addo' guardaporte.

Piccola incombenza!

Professò… non c'è nient'altro?

No, figlio mio. Po' ve ne jate a mangià in grazia di Dio. E ce vedimmo dimane…

(Si è vivo).

Oh! E mo mme voglio ì a cagnà sta cammisa, ca stongo una zuppa!.. 'On Rafè, vuie venite?

Eccomi qua (via con lui, dalla sinistra).

Cassano e Martino! Si fa l'incidente! Cassano e Martino!

'On Peppì, vuie state screvenno ancora?

Ho finito. E mo mme fumo pure mezzo toscano (accavalla le gambe e accende il sigaro). Ma ched'è? Stammatina non vi vedo col solito buon umore.

Lasciatemi stare, 'on Peppì. Tengo 'a signora mia ch'è uscita di conti da tre giorni!

E state ccà ncoppa?

E c'aggia fa? La spada di Damocle!

Scusi, ha visto passare il giudice Bernardi?

Nonzignore.

Volete 'o giudice Bernardi?

Per favore!

Sta abbascio 'o cafè. S'è sospesa l'udienza.

Oh! Grazie sa! (via per la destra).

'A vedite chella signora? 'A sera, a San Carlo, canta dentro agli Ugonotti. E 'a matina vene cca ncoppa…

E mena stuccate.

Don Diodà! (Sgueglia si volta). Potete venì nu mumento qua?

Pronto! (a don Peppino) Permettete? (s'alza e va in fondo).

Oi cumpare Tumaso!

Oi cumare Santella! E che ce state a fa ccà ncoppa?.. Pe Micalangelo ce state?..

E buie che ce state, neh, cumpare Tumaso?

Mbè! pe testimmone. Ccà stace pure lu prèvete 'e Santa Zufia.

Addo' è ca 'o voglio vasare la mano! (alla villanella) Menechè, ce stace pure lu prevete 'e Santa Zufia!

E tu che faie ccàne? (alla cafona che gli bacia la mano).

Pe Micalangelo, parrucchià!

Parrucchià, nun buttate! (va a sedere alla sua tavola).

Causa Mazzucchelli! I testimoni!

Uh, Mamma Ncurunèta! E chesta è 'a causa 'e Micalangelo, parrucchià!

E va, va, a nomme de Dio!

Uh, aneme de lu Priatorio! E purtatemmillo nzarvamiento! Uh, Micalangelo mio!.. (entra nella 8.ª Sezione. Il prete v'entra anche lui).

SCENA SECONDA

Michele Boccadifuoco, dalla destra, in mezzo a due carabinieri, ammanettato. È un uomo sui trentacinque, alto, robustissimo, pieno di forza. Un terzo carabiniere allontana la folla che segue Michele. Nella folla sono Filomena, Furturella e Tittariello.

La folla nella sala tace, curiosa.

Passaggio! Passaggio!

Sie' Filumè?.. Addo' sta?..

Sto ccà.

Mamma addo' sta?

Sta ccà: sta venenno appriesso…

Tenitevella mmiezo a bbuie!

Stateve a penziero cuieto.

Furtù!

Avanti!

Nu mumento, brigadie'! Pe favore!

Don Miche', che bulite?

Teniteve a mmamma mmiezo a bbuie! Datele chiacchiere!

Jammo cu stu detenuto!

Avanti!

Jate! Lassate fa Dio ca è cosa 'e niente! (a Filomena) Ah, Signò! E ched'è? 'Onna Cuncetta è rummasa abbascio?

Sta ccà. Chella è gravante e nu' po' correre.

Sta saglienno 'a gradiata chiano chiano. 'A vedite lloco…

SCENA TERZA

Ah, Mamma d' 'a Libbera! Io si nun moro stammatina nun moro cchiù!

E assettateve! (a Sgueglia) Neh, signori mieie, ce putite favurì na seggia? (prende una sedia dal tavolo di Sgueglia).

Bella figlió, ca ccà 'e segge ce servono!

E ba buono, me', pe favore… (a Concetta) Assettateve. Curaggio, curaggio!

E che guaio niro, neh, che guaio niro ch'è chisto!

Avite raggione! Ma vedite, io mo ve vulesse dicere na cosa… (si volta e prende un'altra sedia) Già, vuie sapite (siede) ca io so chiara e sincera e chello che tengo mmocca tengo pure…

Dentro al cuore. Bella figliò, v'avite pigliata n'ata seggia!

'O ssapite, si nun 'o ttenite p'offesa mo v' 'e pavammo sti segge!

E che stammo int' 'a cchiesa?

Va bene, prufessò. Mme pare ca mo vi fate troppo a ttenere per una picciulezza di nisciunissima cunziquenza!

È vero?

Ci vuole un poco di sciordezza!

Ma, vedete, io sta sciurdezza…

E va buono me! È cosa 'e niente… (sottovoce a Sgueglia) (Nun 'o rispunnite) Signo', aggiate pacienza!..

Anzi! Vi prego. Fate 'o comodo vostro. Volete un'altra sedia?

Cerini volete!

Vattenne! (Mo mm' 'a sconto c' 'o cerenaro)!

Addo' se fa, sta causa?

Là, rimpetto.

E ched'è? Già è accumminciata?..

Tittarie', trase, va vide!

Michele addo' sta?

È trasuto llà dinto.

Allora è accumminciata?

I testimoni, fuori!

Uh, Mamma d' 'a Libbera! Io t' 'o metto int' 'e mmane toie miraculose! Avummaria e grazia plena! E dominus teche… (borbotta) E nunche et in ore…

E mortissi nostri!..

E ammenne! Essì! S'è aperta 'a cappella! Ma scusate, questa nun è 'a maniera! Ccà avimmo fa 'e spezziale!

Aggiate pacienza. Chella è 'a mamma!..

Aggio sbagliato nu cunto per la terza volta!

Avvocato Maccarelli!

Nu mumento! Sto qua!

Signò, ma che stanno facenno llà dinto?

Io saccio chesto! (vedendo uscire Tittariello dalla 5.ª Sezione) Avete ragione! Povera madre! (Mannaggia chi nun te spara a te e figlieto!)

Che stanno facenno?

Mo chiammano 'e ttestimmonie!

Voglio trasì!..

Gnernò! Chillo 'o figlio vuosto nun m'ha raccumannato ato!

Emilia Forcinella!

Presente!

Furtù, lassateme!

Nonzignore!

Faciteme passà!

Venite ccà!

Silenzio!

Faciteme passà, si no mme metto a strellà comm'a na pazza!.. (si dibatte) Chillo mm'è figlio! Chillo mm'è figlio!

Ma che bulimmo fa ll'opera?

(Mantienela, ca chella sta Assunta llà dinto!)

Chi?.. (a Concetta) Aspettate!..

Lassate!

(Oh! Felice notte 'e sunatore!)

SCENA QUARTA

Assunta Spina esce dalla 5.ª Sezione. È vestita da popolana, con qualche eleganza. Capelli rossi, grandi occhi neri, un fazzoletto nero le si annoda sulla cima del capo e le passa sotto il mento, nascondendo una ferita alla guancia destra. È pallida, tremante, emozionata. La segue la stiratrice Ernestina.

Assunta e donna Concetta, che va verso la 5.ª Sezione, s'incontrano. Si fissano per un momento. Attorno tutti tacciono, turbati.

E ched'è? Ccà state?..

Pure ccà ncoppa?

Avesse dà cunto a quaccheduno?

Chi? Vuie? E quanno maie avite dato cunto a quaccheduno?

Be', meno male c' 'o ssapite.

E comme, nun 'o ssaccio? 'O ssaccio a spese meie!

'Onna Cuncè…

Pe revula vosta, si so' benuta cca ncoppa so benuta a fa n'opera bona!

Chi? Tu?

'Onna Cuncè!..

Tu si' benuta a fa opera bona?.. Tu mme lieve nu figlio 'a sotto 'o sciato, e po dice ca si' benuta a fa opera bona!

Siente, sie'!..

Va bene, questi sono fatti ca s'apparono a un'arda parte. Ccà stammo ncopp' 'o Tribbunale… Mannaggia 'a palella!..

(Ncasa 'a mano!)

Sentite, 'onna Cuncè…

Jammo!.. (a Assunta) Po nce 'o dicite quanno esce 'on Michele a libbertà. Sperammo ca tutto riesce a bbene…

Lassateme sentí che dice…

Il piantone!

Qui! Qui!

Vuie avite raggione. Vuie mm'avarisseve sputà nfaccia, pecchè io so' stata 'a causa e 'a corpa 'e tutto chello ch'è succieso!..Concetta(ironica)Se', se', mo mme te faie c' 'a vocca!Assunta(snoda il fazzoletto. Appare la cicatrice alla guancia: un lungo segno rosso. Afferra Concetta pel braccio e si mette un dito sulla cicatrice).Tiene mente ccà!(Sgueglia, Torelli e altri si levano e guardano, curiosi)

Se', se', mo mme te faie c' 'a vocca!

Tiene mente ccà!

Le'!..

Chesto me l'ha fatto Michele, figlieto!

Lasse!

Lassate! Ma c' 'a vulite fa vení na cosa?!

Figlieto m'ha tagliata 'a faccia!

Zitto!..

E io, nu mumento primmo, llà dinto, 'o bbedite, llà dinto… aggio ditto ca nun era stato isso!

Jammo!..

Jate, jate.

Giuseppe Citarelli!