- -
- 100%
- +
Всякое естество ангельское и человеческое непрестанно хвалы Тебе приносит, о Владычице, Ты бо послужила Царя Небесного вочеловечения делу, непреступного Бога явиша всем приступного человека, нам убоспребывающа, жизнь человеческую восприявша, слыша же от всех:
Аллилуйя!Икос 9Ветиямноговещанныя суетного и жестокосердного века сего яко рыбы безгласныязрим о Тебе, Богородице, недоумеютбо, каковсиобидимые и за правду гонимые к Твоему заступлению прибегая, от всех скорбей и жестоких обстояний совершенное избавление и скорбей на радость преложениеобретают. Мы же, на Твое всемилостивое покровительство упование возложив, верно вопием:
Радуйся, гонимых правды ради защищение!
Радуйся, обид и скорбей разрешение!
Радуйся, невинных всех страдальцев воздаяние!
Радуйся, обидящихи беззакония творящихнаказание!
Радуйся, всех кающихся грешников прощение!
Радуйся, грехов воюющих за правду отпущение!
Радуйся, к небесной правде обращение!
Радуйся, к Истине, Иже есть Христос Распятый, верных приведение!
Радуйся, Всемилостивая Владычице, всех обидимых Покровительнице!
Кондак 10
Спасти хотя мир всех Спаситель прииде, Чрево Твое Блаженное Благодатным Небом соделав и нам Тя яко Спасительницу и от всех злых Защитительницу даровав, яко Бог слышит:
Аллилуйя!Икос 10Стена Нерушимая еси всем обидимым и правды ради гонимым, Богородице Дево, и всем к заступлению Твоему прибегающим, ибо Небеси и земли Творец вселься во утробе Твоей, Сыном Твоим став и вся прошения Твоя исполняет. Сего радився приглашати Тебе научи:
Радуйся, блаженства в Царствии Небесном правды алчущим и жаждущим всемилостиво подающая!
Радуйся, всех гонимых правды радиПокровительнице!
Радуйся, всех страждущих за правду Сострадательнице!
Радуйся, гонителям их грознаяОтмстительнице!
Радуйся, оклеветаемых пред Богом Оправдательнице!
Радуйся, земного устроения лишенных небесного их дома Созидательнице!
Радуйся, в небесный дом нам Добрая Сопроводительнице!
Радуйся, всем скорбиХриста ради претерпевшим от Бога утешения Подательнице!
Радуйся, Всемилостивая Владычице, всех обидимых Покровительнице!
Кондак 11
Пение всякое побеждается, прославититщашеся множество многих щедрот Твоих, Богородице, иже по ходатайству Твоему Сын Твой верным Своим дарует. Аще бо и многочисленне всех лествий земных и звезд небесных песни приносим Сыну Твоему и Богу нашему, ничтоже совершаем достойно, яже по ходатайству Твоему дал еси нам, Ему о Тебе вопиющим:
Аллилуйя!Икос 11Светоприемнуюсвещу во мраке скорбного жития нашего зрим икону Твою, Богородице, пред ней же угодник Твой славный князь Игорь усердно моляся, яко славное наследие остави нам, иже наставляет к разуму Божественному вся, милостию Твоею ум наш просвещающая, званиими же почитаемая сими:
Радуйся, во всякой скорби видети волю Божию, иже вся ко благу устрояющую, научающая!
Радуйся, ко спасению нас вразумляющая и направляющая!
Радуйся, все скорби наша ко спасению обращающая!
Радуйся, смысл жизни разумом Христовом просвещающая!
Радуйся, всех плачущих надеждойутешающая!
Радуйся, печали наша утоляющая!
Радуйся, всех скорби Христа ради претерпевших в Царствие Небесное сопровождающая!
Радуйся, скорбями, яко цветом многоценным, дом небесный верным украшающая!
Радуйся, Всемилостивая Владычице, всех обидимых Покровительнице!
Кондак 12
Благодати источник неиссякаемый яви славную икону Твою благодати Податель, Владычице, да всиобидимии и напаствуемые к помощи Твоея прибегая и от всех бед и напастей спасение тобою улучая, вопиют Богу:
Аллилуйя!Икос 12Поюще Твоянеизреченныя милости, к падшему и во скорбях погибающему роду человеческому являемые, хвалим Тявси, яко одушевленный храм, Богородице: во Твоей бовселився утробе вся содержаяй рукою Господь, всю Тя освяти, не токмо Тя, но и многия образы Твоя чудесыпрослави и научи вопити Тебе всех:
Радуйся, всяческих недугов врачевание!
Радуйся, нечаянное всех благ исполнение!
Радуйся, плоти созидание Бога Слова Созидателя!
Радуйся, чудное селение всякой скорби Избавителя!
Радуйся, млеком Своим кормившая всех благ вселенныя Подателя!
Радуйся, рукой Своей носившая Носящего вся!
Радуйся, всех в скорби пребывающих моления и прошения принимающая!
Радуйся, от всякия скорби и печали избавляющая!
Радуйся, Всемилостивая Владычице, всех обидимых Покровительнице!
Кондак 13
О, ВсепетаяМати, рождшая всех святых Святейшее Слово! Нынешнее наши прими приношение и избави нас от всякия скорби, от всех бед и печалей спаси, от обидящих защити и всех благ исполни, о Тебе Богу вопиющих:
Аллилуйя!
Сей кондак глаголи трижды, по сем 1-й икос «Ангелов и человеков Творец…» и 1-й кондак «Избранней от всех дщерей земли…»
Молитва к акафисту перед иконой Божией Матери «Игоревская».
О, Всемилостивая наша Владычице, от всех бед и печалей Спасительнице и обидимых Покровительнице! Ты Сама велия скорби в житии Своем претерпела еси, видя Сына Своего Неповинного и Безгрешного скорбяща, гонима, обидима, оклеветаема, всех благ лишенного, от неправедных судий, вождей и архиереев осужденна, поругана, заушенна, оплеваема, в темницу ввержена, ко Кресту за нас пригвождена, по сем же во Гроб полагаема, можеши вся скорби наши вместити, нам всем во всем сострадати и от всех бед защитити.
Прими нынешнее малое моление наше, от скорби нашея тебе приносимое и принеси к Престолу Сына Своего Возлюбленного, да даст нам во всякой скорби терпение, от всех бед избавление и посем радости исполнение.
Всех страждущих и гонимых правды ради оправдай и защити, всех гонителей, подавляющих Истину неправдою, пред всеми обличи и грозно накажи, всех немилосердных, страдания братий своих гонимых равнодушно и жестокосердно презирающих, милостивнои кротко в сердцах их обличи, яви перед глаза их грехи их и творити волю Сына Твоего Возлюбленного, Иже рек: «Я Есмь Путь, Истина и Живот, иже сотвористе одному из братий сих меньших – Мне сотвористе» вразуми и настави.
Веруем, яко вся сия испроситиможеши, вся бо возможно Тебе по ходатайству к Сыну Твоему Возлюбленному – Христу Богу нашему, Ему же слава, честь держава, и поклонение подобает в бесконечныя веки веков. Аминь.
Аще желаеши, твори сию молитву:
Молитва в страсти гнева
Предаю гнев мой в волю Твою, Христе Спасе мой!
Ты знаешь, что я человек грешный, страстный, суетный и не ведаю скрытых судеб Твоих. Ты, создавый рукою Своею человеки и ведый вся сокровенныя, вся твари создавый и имена им нарицаяй, создавый человека, из праха земного нашествием Пресвятого Твоего Духа по образу Своему и подобию, а наипаче по отпадении его в последние времена неизреченного Твоего человеколюбия смотрение удивил еси, посланием возлюбленного Твоего Отрока, Его же от безначальных недр ТвоеяОтеческия славы, неразлучным Божеством отрыгнул еси, да человеческое естество восприим, непреложно воплотившитися от Пречистой, Преблагословенней, Пренепорочной Девы Марии да изволит, тяжесть нашего падшего естества понесет и глаголы вечныя жизни нам да подаст. По сим, скорбь нашего жития восприим, гонения, поношения, всех благ лишения, от неправедных и нечестивых судей, властей и архиереев осуждение, поругание, заушение, оплевание, тяжкое крестоношение, по сем же ко Кресту позорное пригвождение претерпев, тем от древния клятвы нас избави. По сем во ад сошед и тем скорбную державу смерти поправ, непреложно трехдневно воскрес еси, тем на небеса падшее человеческое естество возведя и нас, отверженных, приглашати тем научи, суетный разум наш, помраченный страстями века сего, к небесам устремляя и не земного и тленного, ибо проходит образ века сего, а наипаче – небесного устроения жития взыскати нас научая, по глаголу евангельскому «ищите прежде Царствия Божия и правды его, и сия вся приложатся вам». Ты, заповедавший семь раз седьмерицеюотпускати грехи, и обещавый оставлять нам долги наши, аще и мы отпускаем должником нашим, помоги и мне, грешному и страстному, отпустить обиду обидчику моему. Прости его, Господи, не дай ему погибнути мене ради, грешного и научи нас творити волю Твою, уготовляя тем к жизни небесней.
Отжени от сердец наших дух зависти, ненависти и злобы, производящий разделения и нестроения, и подвигающий творити неправду, и даждь нам дух целомудрия, смиренномудрия, терпения и любви, иже есть соуз совершенства, что не ищет своего, а пользы ближнего, не радуется неправде, а сорадуется Истине, Иже есть Господь наш Иисус Христос, да во многих удах Единое Тело Церковное да пребудем, иждивая жизньнашу во славу Божию и на пользу ближнего своего.
Обрати к Тебе и сердца врагов наших, а ежели не захотят обратится – положи предел злу их, Иже Сам веси судьбами. Пусть зависть, злоба и лукавство, что питают они в сердцах своих, обратится на главу их. Обрати сердца наша к покаянию, да увидим злобу свою и ужаснемся и творити волю Твою в любви к Тебе и ближнему Своему отныне да будем!
Ты Сам вся веси, Господи, поступи по воле Твоей, всеугодной и всесовершенной, сия и пребудет с нами ныне и присно, и во веки веков. Аминь.
Или кратко:
Предаю гнев мой в волю Твою, Христе Спасе мой! И не моя воля, но Твоя да будет!
Господи! Отжени от сердец наших дух зависти, ненависти и злобы, производящий разделения и нестроения, и подвигающий творити неправду, и даждь нам дух целомудрия, смиренномудрия, терпения и любви, иже есть соуз совершенства, что не ищет своего, а пользы ближнего, не радуется неправде, а сорадуется Истине, Иже есть Господь наш Иисус Христос, да во многих удах Единое Тело Церковное да пребудем, иждивая жизньнашу во славу Божию и на пользу ближнего своего.
Помяни, Господи, людей, подавляющих истину неправдою, и обличи лукавство их! Положи предел злу, Господи, иже Сам веси, и да будет во всем святая воля Твоя! Аминь
или кратко:
Помяни всех злобствующих на нас, Господи!
Или кратко:
Обличи, Господи Иисусе, всех противящихся деснице Твоей и подавляющих истину неправдою!
И ещё:
Дай мне видение грехов моих, Господи, дабы осознал я, что достоин скорбей моих, и иссякнет гнев мой….
Спаси, Господи, и помилуй всех правды ради гонимых, ихже ради и нас грешных спасаеши, и их молитвами помилуй и спаси нас грешных.
Конец и Богу слава во веки веков! Аминь!!! Аллилуйя!
Составитель сего текста, как и все, обременен многочисленными скорбями, в том числе и от жестокосердных людей, подавляющих истину неправдою, и просит молитв о себе и своих близких:О здравии р.Б.ИгоряВалентины (ж)ЕленыОльгии всех благотворящихи молящихся за насОб упокоенииАнныВасилияМихаилаМихаилаПелагииКириллаГригорияИванаМарииНиколаяВладимираНиныСпаси Вас Господь!Акафист Божией Матери ради иконы Ея «Домостроительница», или «Экономисса»Акафист иконе Божией матери «Домостроительница», или «Экономисса»
Внимание! Этот вариант авторского текста является окончательным – исправленным и дополненным – акафистом иконе Божией Матери «Домостроительница». Все остальные, в том числе, увы, зачастую и расположенные на официальных сайтах, являются черновыми – подготовительными или непроверенными вариантами данного представленного вниманию читателей акафиста.
Кондак 1
Избранной от всех дщерей земли, Домостроительнице
спасения рода человеческого, похвальная восписуем Ти, Владычице нашей Богородице. Ты же, родившая по плоти Христа Бога нашего, от всех нас бед свободи, от злых наветов и обстояний спаси и добре житие наше устрой ко спасению нашему, да велегласно зовем Ти:
Радуйся, Всемилостивая Владычице, наша Добрая Домостроительнице!
Икос 1
Ангелов и человеков Творец и Создатель, провидя благого сердца Твоего изволение, покорность воле Божией и милосердие неистощимое, благое промышление Свое о роде человеческом устрояя, избра Тебя, Всемилостивая Владычице, в Добрую Домостроительницу человеческого спасения и Устроительницу жития нашего. Сего ради вопием Ти:
Радуйся, от всех злых обстояний Свободительнице!
Радуйся, жития нашего Добрая Устроительнице!
Радуйся, во всяком нестроении видети волю Божию научающая!
Радуйся, все нестроения житейские во благо обращающая!
Радуйся, ко спасению нас направляющая!
Радуйся, во всем житие наше добре устрояющая!
Радуйся, Всемилостивая Владычице, наша Добрая Домостроительнице!
Кондак 2
Видяще род человеческий погибающим, Всемилостивый Творец наш избра Тя в Домостроительницу спасения нашего, да воплотившися от Тебе, все грехи рода нашего понесет, от печалей спасет и от погибели нас избавит, да воспоем Ему, Подателю благ:
Аллилуйя!Икос 2Разум неуразуменный вразумляя спасения и устроения ищущих, всех Творец и Создатель избра Тя в Дом, иже созда Себе Премудрость Божия ко спасению нашему, да все хотящии спасение, от всех скорбей и бед избавление и доброе души и жития своих устроение улучити, зовут Ти сице:
Радуйся, Доме, иже созда Себе премудрость Божия!
Радуйся, премудрых превосходящая разум!
Радуйся, верных умудряющая!
Радуйся, ко спасению и разумению воли Божий направляющая!
Радуйся, от погибели спасающая!
Радуйся, вся ко благу созидающая!
Радуйся, Всемилостивая Владычице, наша Добрая Домостроительнице!
Кондак 3
Силою Вышнего осеняема, Богородительнице, послужила Воплощению Сына Божия, Иже понесе на себе все грехи и болезни рода человеческого, ко спасению всех вразумляя и направляя, да все спасение от Него улучившии воспевают:
Аллилуйя!Икос 3Имуще воистину утробу Твою яко Благодатное Небо и Дом Премудрости Божия, иже созда Своею рукою Господь, не хотящий смерти рода человеческого, но всем Творящий спастися, подвигает всех верных вопити Ти тако:
Радуйся, от греховного жития отвращающая и ко спасению направляющая!
Радуйся, домостроение спасения нашего созидающая!
Радуйся, Доброе Пристанище всем ищущим спасения!
Радуйся, беззаконного жития исправление!
Радуйся, воли Божией доброе разумение и исполнение!
Радуйся, ко спасению жития устроение!
Радуйся, Всемилостивая Владычице, наша Добрая Домостроительнице!
Кондак 4
Бурю внутрь имея помышлений сумнительных не хотящие жити по воле Божией разум имея, суетные люди, прельщенные страстями века сего, не желая приняти воли Божией, во всем благой и совершенной, вся устрояющей ко спасению нашему, не ведят пети:
Аллилуйя!
Икос 4
Ведуща все вернии и во всех обстояниях к Тебе прибегающии, яко все обращающиеся к Тебе от всех злых обстояний избавление и скорбей на радость преложение, новый смысл жития своего и доброе во всем устроение в Тебе обретают, реша вопиют Ти:
Радуйся, наша Добрая Вразумительнице!
Радуйся, от суетных помыслов века сего Избавительнице!
Радуйся, во всем нам Верная к Богу Споручнице!
Радуйся, всех добрых устроений Споспешнице!
Радуйся, всех благих начинаний Премудрая Устроительнице!
Радуйся, от пагубных наветов отвращающая и злые начинания разрушающая!
Радуйся, Всемилостивая Владычице, наша Добрая Домостроительнице!
Кондак 5
Боготочный источник во всем благого устроения душ наших во всяком довольстве жития нашего зрим икону Твою, Богородице, иже учит покорности воли Божией, вся ко благу нашему устрояющей и ко спасению направляющей, подвигающей верных воспевати:
Аллилуйя!Икос 5Видеша афонский старец игумен Афанасий лавры своея запустение и иноками ея из-за глада и крайней нужды
оставление, одного его оставиша, восскорбел еси зело и такоже оставити обитель свою реша. Положив на сердце сия, в путь потек и на пути встретил Жену. Устрашен сим видением быв, недоумевая, откуда Сия Жена на славней горе Афонской, идеже женам вход воспрещен? Познав же в Ней Матерь Господа своего, немощныя Врачующего и вся оскудевающая Восполняющего, потщился ей послужити славословиими сими:
Радуйся, горы Афонския святыя вечная Правительнице!
Радуйся, о всех живущих в ней к Богу Верная Ходатаице!
Радуйся, вся оскудевающия Восполняющая!
Радуйся, вся немощныя и сокрушенныя сердцем Созидающая!
Радуйся, во всех бедах Сострадательнице!
Радуйся, нуждающимся всех благ Подательнице!
Радуйся, Всемилостивая Владычице, наша Добрая Домостроительнице!
Кондак 6
Проповедницы бывши милости Твоея, о Владычице, все насельницы лавры афонския, яже Тебя, Добрую Устроительницу и Владычицу обители своея имея, без Ея же благословения ничесо же творяше, о Тебе Богу поют:
Аллилуйя!Икос 6Возсия на горе Афонской икона Твоя, яко светлое просвещение Истины, Богородице. Ты, Доброй Домостроительницей иноков лавры афонския быв, и всех иноков и в мире живущих и любовию Тебя почитающих не оставляеши своим заступлением, всем вся во благо житие их устрояя. Темже и преподобный Сергий, Всея Руси игумен, обретение честных мощей коего в день памяти иконы Твоея славныя быв, внезапное восполнение запасов обители, кою чаял нищеты ради оставити, по ходатайству Твоему получи, дивное заступление Твое к лавре его и всея Руси явно тем знаменуя и подвизая верных вопити Тебе тако:
Радуйся, всем добрым инокам поможение!
Радуйся, и о в мире живущих доброе Промышление!
Радуйся, Домостроительнице нашего спасения!
Радуйся, и земного жития всемилостивое устроение!
Радуйся, учащая во всем полагатися на волю Божию, яже вся во благо устрояющую!
Радуйся, все скудости и немощи наша милостью Божией восполняющая!
Радуйся, Всемилостивая Владычице, наша Добрая Домостроительнице!
Кондак 7
Хотяще всем вся во благо устроити Всемилостивый Промыслитель Христос Бог наш Тебя в Домостроительницу и всех благ Ходатаицу нам дарова, да все улучившия чрез тебя милости зовут Ему:
Аллилуйя!Икос 7Новую Тя Домостроительницу и всем вся во всем Благую всех Устроительницу всех Благий Зиждитель нам показа, да вси хотящии спасение обрести и добре житие свое устроити к Твоему ходатайству прибегают и по вере своей просимое обретают, вопиющи Ти таковая:
Радуйся, Мати всех Архитектона, с земным тектоном в нищете пожившая!
Радуйся, и нас всем страждущим сострадати научившая!
Радуйся, во всех злых обстояниях и нестроениях Сострадатильнице!
Радуйся, земных и небесных благ Подательнице!
Радуйся, во всем искати не земного, а небесного устроения научающая!
Радуйся, все злыя приключения житейские во благо обращающая!
Радуйся, Всемилостивая Владычице, наша Добрая Домостроительнице!
Кондак 8
Странно есть неверующим видети, како вси православнии, полагающиися на волю Божию, ум на небеса преложше, не земного устроения взыскуют, ища прежде Царствия Небесного и правды Его, его же взыскующим вся ко благу бывает, идеже ни скорбь, ни теснота, ни жизнь, ни смерть, ни другая какая тварь не могут отлучити от любви Божия, вопиющим:
Аллилуйя!Икос 8Вся бо в вышних ныне пребываеши, Царица Небесная, но и нас нижних не оставляеши Своим заступлением, о Владычице, вся бо наши прошения приемлеши, скорби облегчаеши, болезни исцеляеши, вся добрыя дела и житие наше добре устрояеши и вся богоугодныя желания наша во благо исполняеши, от всех спасенных и утешенных Тобою слышиши сия:
Радуйся, с небесе на нужды наша презирающая!
Радуйся, вся моления наша без ответа никогдаже оставляющая!
Радуйся, от беззаконных навыков и пагубных страстей всесильно отвращающая!
Радуйся, житие всех верных покаянием обновляющая!
Радуйся, по воле Божией жити научающая!
Радуйся, вся желания верных во благо исполняющая!
Радуйся, Всемилостивая Владычице, наша Добрая Домостроительнице!
Кондак 9
Всякий православный христианин к помощи Твоея прибегает, Всемилостивая, зная, яко всем бо во всяком деле блазе Устроительницей Доброй бываеши, верной Споручницей Архитектону всех пребывая. Сего ради слышиши от всех:
Аллилуйя!Икос 9Ветия суемудренныя самонадеянного века сего, не разумеющии милости Божией и Твоего всемощного к Богу дерзновения, в недоумении пребывают, како все вернии в устроеннии душ и жития своего и всякого дела блага ко всесильному Твоему ходатайству прибегают, воистину Тебя всесильную Помощницу и Покровительницу имея. Мы же, все упование наше на устроение Твое возложив, верно вопием Ти:
Радуйся, Всесильная наша Помощнице!
Радуйся, от злых обстояний Защитнице!
Радуйся, ко исполнению воли Божией Вразумительнице!
Радуйся, жития нашего Всемилостивая Всемилостивая Устроительнице!
Радуйся, всех добрых пожеланий наших Исполнительнице!
Радуйся, не токмо жития, но и помыслов и душ наших Добрая Обновительнице и Устроительнице!
Радуйся, Всемилостивая Владычице, наша Добрая Домостроительнице!
Кондак 10
Спасти хотя мир, Иже всех Устроитель нам Тебя во спасение Матерь Свою дарова, да будеши всем верным Домостроительнице, житие земное, а наипаче небесное устрояя, сего ради и слышит от всех нас:
Аллилуйя!Икос 10Стена еси воистину Нерушимая всем к заступлению Твоему прибегающим, Мати Дево, ибо небесе и земли Создатель воистину Твое Блаженное Чрево Благодатным небом соделав, вселься в девственной утробе Твоей, вся восхваляти Тя научи тако:
Радуйся, Невместимого Божества вместилище!
Радуйся, чистоты и благодати Божией хранилище!
Радуйся, Премудрость, всякий смысл превосходящая!
Радуйся, домостроительство спасения нашего утверждающая!
Радуйся, во всем видети Промысел Божий, иже вся во благо устроящий, вразумляющая!
Радуйся, вся народы исполняти волю Божию научающая!
Радуйся, Всемилостивая Владычице, наша Добрая Домостроительнице!
Кондак 11
Пение всякий православный христианин Тебе принося, о Владычице, ничто же равно дарованиям Твоим совершает, о Всемилостивая, всем бо вся нужное ко спасению и земному довольству даруеши, подвизая нас о Тебе Богу вопияти:
Аллилуйя!Икос 11Светоприемную свещу, светом Божественным сияющу во мраке жития нашего сущим зрим икону Твою, о Владычице. Всем бо вся ко благу прошения исполняеши, житие земное, а наипаче небесное устрояеши, по глаголу евангельскому: «ищите прежде Царствия Божия и правды его, и вся приложится вам»,
не земное сперва, а наипаче небесное житие устрояя. Сего ради почитаем Тя званиими сими:
Радуйся, От бед страждущих избавление!
Радуйся, В скорбях и печалях Утешение!
Радуйся, через скорби радость к Богу обращения!
Радуйся, через земные временныя скорби жития небесного всемилостивое устроение!
Радуйся, воли Божией светлое познание!
Радуйся, всем вся ко благу созидание!
Радуйся, Всемилостивая Владычице, наша Добрая Домостроительнице!
Кондак 12
Благодати Источник неисчерпаемый явися нам милость Твоя, Богородице, все бо к помощи Твоея прибегающии в бедах спасение, в скорбях утешение, в болезнях исцеления и от всяких нужд избавление и довольство в Тебе обретают, и всех Подателю благ глаголют:
Аллилуйя!Икос 12Поюще Твое всемощное заступление, непрестанно восхваляем Тя, Богородице, яко всех добрых Устроительницу и одушевленный Храм Божества, ничто же творим равно дарованиям Твоим. Сего ради вопием Ти:
Радуйся, всех молений и прошений наших Услышительнице!
Радуйся, всех добрых начинаний Устроительнице!
Радуйся, о всех нас теплая ко Господу Молебнице!
Радуйся, всем пекущимся о благе Добрая Споспешнице!
Радуйся, во всяком деле блазе помогающая!
Радуйся, всех верных Своим пред Богом ходатайством никако никогда же оставляющая!
Радуйся, Всемилостивая Владычице, наша Добрая Домостроительнице!
Кондак 13
О Всемилостивая Владычице, наша Добрая Домостроительнице, во всех благих начинаниях Споспешнице и всем вся во благих Милостивая Устроительнице! Нынешнее наше прими малое приношение, от всех бед земных и вечного осуждения нас избави, всем вся во благо житие земное, а наипаче небесное нам устрой, да вопием всех Зиждителю Сыну Твоему Христу Богу нашему вечно хвалебную песнь:
Аллилуйя!
Сей кондак глаголи трижды, затем икос 1 и кондак 1.
Молитва перед иконой Божией Матери «Домостроительница».
О, Всемилостивая Владычице, Мати Господа нашего, во всех бедах и скорбях наших Милостивая нам Сострадательнице, о всех грешных Предстательнице, всех молений наших усердная Скоропослушнице, о всяком деле блазе надежная наша Ходатаице, всякого доброго начиная благоуспешная во всем Устроительнице, жития и спасения христиан Всемилостивая Домостроительнице!