- -
- 100%
- +
Джемиль Кендже
(1896-1945)
Къырымтатар шаири Джемиль Велиля огълу Кендже 1896 сенеси Сеитлер, сонъра Къарасувбазар районы, Аблеш коюнде фукъаре къорантасында догъды. Джемильнинъ эвлерине сыкъ-сыкъ мусафирлер келе эдилер. Кичкене Джемиль оларнынъ икяелерини четчикте отурып буюк дикъкъатнен динълей. Яшы еткен сонъ Джемиль мектепке къатнап башлай. Онынъ ильки оджасы Сеит-Мурад Кефели олгъан. Мектепкте окъугъан вакъытында Джемиль эдебият дерслерине меракънен къатнай, оджасы исе онынъ эдебияткъа авеслигини корип, чокъ ярдым эте. Джемиль башлангъыч мектепни он дёрт яшында битире. Сонъра Копюрликой мектебине окъумагъа кире. Бу мектепте окъур экен, кене эдебият дерслерини буюк меракънен динълей ве мында озю де шиирчиклер язып башлай.
Бутюн омюрини яш несильге, билим ве тербие меселелерине багъышлангъан Джемиль Кендже балаларнынъ омюрини яхшы биле эди. Шунынъ ичюн олса керек, о эдебиятымызда аджайип бала шаири оларакъ мунасип ер алгъан.
Эльбетте, озь халкъынынъ огълу олгъан Джемиль Кенджени, халкъынынъ келеджеги – яш несильнинъ такъдири раатсызлангъан. Шаир оларакъ Джемиль Кендже алдында тургъан вазифени пек догъру анълай ве догъру да чезмеге арекет эткен.
Конец ознакомительного фрагмента.
Текст предоставлен ООО «ЛитРес».
Прочитайте эту книгу целиком, купив полную легальную версию на ЛитРес.
Безопасно оплатить книгу можно банковской картой Visa, MasterCard, Maestro, со счета мобильного телефона, с платежного терминала, в салоне МТС или Связной, через PayPal, WebMoney, Яндекс.Деньги, QIWI Кошелек, бонусными картами или другим удобным Вам способом.