Канон и акафист Архистратигу Божию Михаилу

Канонъ Архистратигу Божию Михаилу съ небесными воинствы, Победителю прегордаго Денницы и Упразднителю сатанинскаго исчадия поганаго.

Тропарь, гл.4.

Небесныхъ воинствъ Непобедимый Архистратиже, Архангеле Божий Михаиле, молимъ тя мы недостойнии, да твоими молитвами оградиши насъ кровомъ крылъ невещественныя твоея славы, сохраняя припадающихъ къ Богу прилежно и вопиющихъ: отъ вечныя погибели избави ны, яко чиноначальниче Божий вышнихъ воинскихъ силъ.

Канонъ, глас 4.

Песнь 1.

Ирмос: Отверзша уста Своя, возглаголаша светло Господь нам, и наполнися вселенная Духа, славу воспевающа Царице Деве, да станем, людие, светло торжествуя победу, прославляя Твоя, Всепетая, чудеса.

Краегранесие: Святый Архистратиже Божий Михаиле с небесным воинством, молите Бога о нас.

Божественныя светлости блистание, сердце и разум мои молниезрачными соделай, озаряя жилище души моея светом немерцающим святости своея, о, Пресветлый Властителю вселенныя, Архистратиже Божий Михаиле Непобедимый Воеводо.

Святый Архистратиже Божий Михаиле с небесным воинством, молите Бога о нас.

Се, Уме Безначальный Божественный яви Тя премирнаго чина начальника.Тако дольняя и горняя светом непрелестным осияваеши, Преславне Архистратиже, тьму зловерия и гордыни отгоняеши, побеждая демонския полки.

Слава Богу Вседержителю, Богу Слово и Божественному Духу.

Чинов небесных Превышший в силе и благолепии, ныне и присно торжествующа, Всехвальный Архангеле Воеводо, и во веки веков соделай всепобеждающее Твое торжество!

И ныне и присно и во веки веков. Аминь.

Богородичен: Неизреченно воплощшагося Спаса и Господа, о, Богоневесто, даровавшаго нам жизнь вечную, воспоим сердцем и усты, славяща Твое, Пречистая, Владычество.

Песнь 3.

Ирмос: Радуйся, Приснодево, Благоуханный источниче милости, дольнего мира Тя песнословящих духовно утверди, Божественныя славы Твоея зрети сподоби.

Святый Архистратиже Божий Михаиле с небесными воинствами, молите Бога о нас.

Ныне Тя защитою всеизряднейшею зрим и ограждением, о, Всесветлый Архистратиже, врагов нашего спасения потребляющий. Крепостию Своею от лютых нас избавляеши, призывающих Всеславное имя твое, Михаиле Архангеле, Пречистаго Престола Божия предстоящая Сило.

Святый Архистратиже Божий Михаиле с небесными воинствами, молите Бога о нас.

Яко Воеводо Непобедимый явльшийся, молниеподобный Архистратиже, огненным мечем Своим посекаяй легионы адския, оружием несокрушимым верности и силы утверждаеши Церковь Христову по вселенныя, аки Невесту Чистую сохраняя для Бога в нетлении духа.

Слава Богу Вседержителю, Богу Слово и Божественному Духу.

О, досточудне Михаиле, Архангеле Богоподобне, непостыжаемый предстателю просящих твоея помощи, заблуждших путевождь и наказателю строгий обидящих! Божественнаго сияния чистейшее зерцало явился еси, Архангеле, Церкви Христовой украшение преизобильное.

И ныне и присно и во веки веков. Аминь.

Богородичен: Трепещу, Христе Боже, Твоего схождения, яко Иже естеством Бог, приял еси от Девы плоть Пречистую, да спасеши Божий мир, Ти вопиющий, – избави ны от работы супротивнаго.

Седален, гл.1.

Богу в Троице Единому немолчно приносится пение ликов ангельских, Архистратигом Михаилом ведомых к победе всеконечныя. Се, тако воспоим и мы, яко воины Христовы, на земли сущия, Содетелю воинств чинов огнезрачных – слава во веки Богу в Троице, Истинному Богу нашему.

Слава Богу Вседержителю, Богу Слово и Божественному Духу всегда, ныне и присно и во веки веков. Аминь.

Богородичен: Трояндовою Ризою Пречудною из боку чисту Девыя процвелъ Превечный Богъ, и воплощение паче естества прияша Младенец Божественный, мя, спасаема, научающа пети непрестанною верою и любовию славу Твою, Купино Неопальная.

Песнь 4.

Ирмос: Славы Божественныя исполненный, во облаце легком прииде нам Господь Богъ наш, десницею крепкою спасая зовущия: слава, Христе, силе Твоея.

Святый Архитратиже Божий Михаиле с небесными воинствами, молите Бога о нас.

Крепостию Своею уставил еси безсмертне сильныя, совершающих Пресвятое Твое хотение, Боже, Тебе в вышних всегда предстоящих.

Святый Архистратиже Божий Михаиле с небесными воинствами, молите Бога о нас.

Всеблаженное Причастие Славы Божественныя просвещением явися миру невещественному ангелов. Сего ради приими чиноначалие ангельское, Христе, яко ходатая Твоего вочеловечения, и Честнаго воскресения, за ны молящагося Ти о спасении нашем.

Слава Богу Вседержителю, Богу Слово и Божественному Духу.

Трисвятое пение со Престолы и Началы, Власти и Силы, со священными Господствы и Ангелы Хранители человеков возглашаеши ныне Богу в Троице, о, преславне Михаиле, Архангеле Господень Достохвальне.

И ныне и присно и во веки веков. Аминь.

Богородичен: Поюще и славяще твое Преславное Рождество, Приснодево, молю Тя, спаси мя унывающа, от множества грехов моих потопляема, пучиною отчаяния одержимаго. Яко Ты еси грешным очищение, и чистота спасенная.

Песнь 5.

Ирмос: Умилишася духом о Божественной Славе Твоея, пою Ти, Пречистая, яко Богу Христу служение выше ангельскаго совершила еси, от ангел и архангел хвалимая, людей Твоих печаль на радость преложила еси, Всехвальная.

Святый Архистратиже Божий Михаиле с небесными воинствами, молите Бога о нас.

В нощи неведения, по душетленному пути блудящаго мя, светом богоразумия божественнаго настави душу мою, о, Архангеле Пречудный Михаиле, на стезю заповедей Христовых направляя мя.

Святый Архистратиже Божий Михаиле с небесными воинствами, молите Бога о нас.

Невозвратным желанием всегда к высоте Христовой носимы, высшую Любовь ангельския силы непрестанно славят.

Слава Богу Вседержителю, Богу Слово и Божественному Духу.

Ты, разумныя по существу и нетленныя благодатию Твоею, Христе Боже, поставил еси певцы, Ангелы Твоя по образу соделав, Непостижиме.

И ныне и присно и во веки веков. Аминь.

Богородичен: Умерщвленную страстьми душу мою, оживи, Всенепорочная, животу хранителя даша вернаго, к стези вечней, и житию блаженному устремляя мя, Всеблагая.

Песнь 6.

Ирмос: Иону в ките, Господи, единаго вселил еси. Мене же, связаннаго во мрежах вражиих, спаси, яко от тли того спасл еси.

Святый Архистратиже Божий Михаиле с небесными воинствами, молите Бога о нас.

Боголепно от несущества, Господи, Словом еси привел еси существа небесных безсмертне воинств, световидны сих соделовая.

Святый Архистратиже Божий Михаиле с небесными воинствами, молите Бога о нас.

Се, служителие честнии Божия хваления бысте, безплотнии, яко граждане небесныя, и Божественная воистину скиния явистася, Творцу достойно служаще.

Слава Богу Вседержителю, Богу Слово и Божественному Духу, всегда, ныне и присно и во веки веков. Аминь.

Богородичен: О, Всепетая Дево, Нетварнаго Света всем свет Подающаго, плотию Своею облекшая, тьму моих прегрешений, Чистая, отжени, молитвами Твоими к Воплощьшемуся из Тебе.

Кондак: Архистратизи Божии, слугИ Божественныя славы, ангелом начальницы, и наставницы человеком, еже есть на пользу, просите нам, и велия милости, яко безплотным архистратизи.

Икос: Рекл бо еси, Человеколюбче Господи, яко множеству радоватися ангел, о человеце едином кающемся, Безсмертне. Тем и мы, во гресех суще, Тя молити всегда дерзаем, яко Благоутробнаго, безгрешне Едине Сердцеведче. И молим ущедрити ны, и послати нам, хотя и недостойным, умиление, Владыко, и подати нам прощение грехов. О всех бо нас молятся Тебе, иже безплотным Архистратизи.

Песнь 7.

Ирмос: Отроки, Бога в Троице предвозвещая, трие в пещи огненней неврежденны от мучителей явистася, идолом тварским не поклонившеся, славословящи Создавшаго, вселенную всю воздвизая пети Ему: Господа пойте, ангели и людие, и превозносите славу Его во вся веки.

Святый Архистратиже Божий Михаиле с небесными воинствами, молите Бога о нас.

Свет явил еси щедре ангел Твоих невещественное существо, неизреченнаго света исполняемы, непрестанно зовуща Ти: благословен еси, Господи Боже, во веки.

Святый Архистратиже Божий Михаиле с небесными воинствами, молите Бога о нас.

Ему же предстоят, непрестанно служаще, светы ангельския, лица же зрети Света Божества трепещущи, благословен еси, зовуща, Боже, во веки.

Слава Богу Вседержителю, Богу Слово и Божественому Духу.

Словом твоим ипостасным, Господи, ангельское естество соделал еси. Освятив же Божественным Духом, Троицу Тя благословяща пети, благословен еси , Господи Боже, во веки.

И ныне и присно и во веки веков. Аминь.

Три убо зряще суща составы, Неописанное славим Существо, Бога Вседержителя, Бога Слово и Божественнаго Духа, вопиюще: благословен еси , Господи Боже в Троице Единый.

Песнь 8.

Ирмос: Тайну Девыя предвозвещенныя, чистоту таковую тварския служителие убояшася. Но мы, христовы, их идольскую лесть мужески попраша, возопиим Приснодеве во умилении: славься, Пречистая,Победо Непобедимая, горних воинств и дольних Доблестная Водительнице.

Святый Архистратиже Божий Михаиле с небесными воинствами, молите Бога о нас.

Ангельскому поревнуем житию и, взором разума горняя осеняя, со лики ангельския возопиим вкупе Господу: Слава Тебе, Боже наш, во веки.

Святый Архистратиже Божий Михаиле с небесными воинствами, молите Бога о нас.

Ликовственницы лика небеснаго, иже Престол обстоящи Славы, о Бозе всегда обращаеми ангели, поют и славословят Господа во вся веки.

Слава Богу Вседержителю, Богу Слово и Божественному Духу.

Невещественныя огня творящей пламы, на высоте непрестанно служащих, и ангелы духи являющей Троице покланяемся и славословим во веки.

И ныне и присно и во веки веков. Аминь.

Богородичен: Иже во утробу всельшася Девыя, и от Сея страшно и выше разумения человеча Боговоплощение зряще ангели, поем и славословим во вся веки.

Конец ознакомительного фрагмента.

Текст предоставлен ООО «Литрес».

Прочитайте эту книгу целиком, купив полную легальную версию на Литрес.

Безопасно оплатить книгу можно банковской картой Visa, MasterCard, Maestro, со счета мобильного телефона, с платежного терминала, в салоне МТС или Связной, через PayPal, WebMoney, Яндекс.Деньги, QIWI Кошелек, бонусными картами или другим удобным Вам способом.