Трибунал обывателям Великого княжества Литовского

О патренье судей головныхъ

Судьи головные отъ каждого декрету своего пересуду мають брати отъ сумы пенезей присужоное, отъ копы по грошу одному, а отъ службы и отъ волоки отъ тыхъ гаевъ лѢсовъ и иншихъ грунтовъ пустыхъ и отъ озеръ ничего брати судьи не мають. А тотъ, который неслушне апелевалъ, виннень будеть судови головному шесть копъ грошей, а стороне другую шесть копъ грошей заплатити. А естьли же хто воленъ встанетъ, таковый мѢсто паметного суду головному копу грошей дати маетъ. А ведже хтобы на комъ сумы пенезей позыченое позыскивалъ; тогды не тотъ, который своей сумы ищетъ, але тотъ, который бы за заплатати не захотелъ, пересудъ платити маетъ. А писарови за уписованье до книгъ грошъ одинъ, за выписъ судовый и за всю справу судовую по двадцати грошей Литовскихъ плачено быти маеть, а надъ то большь большь никто ему дават не маеть и не будеть повиненъ. А еслибы большь писарь надъ сю уставу насилу на комъ задержаньемъ справы што вытянул; тогды до тогожь суду головного будучи заказанный вины за доводомъ жалобнику двадцать копъ грошей заплатити маеть.

Пoпpaва того суду и статуту

А гдѢ бы тому панству нашему Великому Княжству Литовскому чего напередъ въ томъ порядку справедливости або въ статуте онаго панства поправити была потреба, або еслибы тежъ отступивши вси згодне того суду головнаго суды свои опять на насъ Господаря вточить хотячи, абы то имъ вольно было завжды учинити; того варуем и упевняемъ, ижъ бы таковые поправы тамъ во ономъ Панстве Великомъ КнязствѢ Литовскомъ на соймиковъ або па съѢздахъ своихъ чинечи, потомъ тое для утвержденья чрезъ насъ Господари на сеймъ приносити будуть. Который уже порядокъ тыхъ судовъ новыхъ головныхъ дали есмо всимъ обывателемь оного панства нашого Великаго Князства Литовскаго за нашою печатью маестатною и съ подписомъ власное руки нашое. А ижъ бы то ку вѢдомости пpiйти могло, для того вряды наши земскiе кгродскiе вездѢ на мѢстцахъ судовыхъ и тежъ при костелехъ и на торгахъ потомужь на соймикахъ роковъ земскихъ тое выданье тыхъ судовъ оповѢдати и обволати и до книги земскихъ и кгродскихъ слово отъ слова то вписати даты мають. А хтобы вьпису на то книгъ потребовати будеть, таковому до книгъ выдано быти маеть.

Писанъ у ВаршавѢ лета Божiего нарожденья тысяча пятьсотъ восемдясять первого, мѢсяца марта первого дня.

СТАТУТЪ ВЕЛИКАГО КНЯЗСТВА ЛИТОВСКАГО

ПОЧИНАЮТСЯ ПРИВИЛЕЯ ДО СТАТУ ВЫДАНЫЕ И СПРАВОВАНЫЕ, ГДЂ И ВЪ КОТОРОМЪ МЂСТЂ ПРЕЗЪ ДОЗВОЛЕНЬЕ КОРОЛЯ ЕГО МИЛОСТИ И ПАНОВЪ РАДЪ ИХЪ МИЛОСТИ ЗДЂШНЕГО ПАНСТВА ВЕЛИКАГО КНЯЗСТВА ЛИТОВСКОГО,

Привилей Виленской* року 63.

Во имя Божъе стан се ку вЂчной памети тое то речы, кгдыжъ вси справы съ часомъ съ паметей людскихъ сплывають и въ забытіе приходять, для того то есть вынайдено, абы писмомъ объяснены были ку вЂдомости потомъ будучымъ.

* Має бути «Виленский.»

А про то мы Жыкгимонтъ Августъ, Божъю милостью Король Польскій Великій Князь Литовскій, Рускій, Прускій, Жомоитскій, Мазовецкій, Инъфлянтскій и иныхъ панствъ дЂдичъ, чынимъ знаменито симъ листомъ нашимъ нинЂшнимъ и на потомъ будучымъ, кому будеть потреба того вЂдати. Ижъ кгды есьмо вызвали черезъ листы наши на сеймъ валный, въ столечномъ мЂстЂ нашомъ у Вилни зложоный, пановъ радъ нашихъ духовныхъ и свЂцкихъ, княжатъ и панятъ, врядниковъ помененыхъ, дозволили есьмо и дозволяемъ привилья правъ и волностей земскихъ въ статутъ новописаный вложыти и вписати, по томужъ обычаю якъ въ КоронЂ Польской прывилья и вольности шляхецкіе въ статутъ уписаны суть; за што вси станы, чынечы дяки съ чоломбитьемъ намъ Господарю пану своему прырожоному, донесли намъ въ томъ прозбу свою, ижъ въ тыхъ же привильяхъ земскихъ нЂкоторые артыкулы потребуютъ шыршого объясненья ку латвЂйшому вырозуиЂнью. А въ томъ на первей, яко се стало обдарованье и наданье отъ прадЂда нашого, святое памети славное Якгела Короля Польского наивышшого Великаго Князства Литовского, въ которыхъ то естъ описано: за злученьемъ панствъ подъ онымъ часомъ Коруны Польское зъ Великимъ Князствомъ Литовскимъ, за выданьемъ того жъ прывилья тамъ же въ КорунЂ Польской въ ГородлЂ, ижъ панове шляхта бояре земль нашихъ Литовскихъ дарованьемъ прывильями и наданьемъ имъ данымъ узычонымъ и подаными только повшехное, то естъ соборное вЂры Христіянское къ Рымскому костелу поданыи, мають се тыхъ вольностей веселити и учасниками быти и ужывати, яко панове шляхта Коруны Польское свое вольности держать и ихъ ужывають. А другій артыкуль ижъ на достоенства и преложенства не мають быти обираны, едно если были бы повшехное вЂры Христіянское и подданые Рымскому костелу, а ни тежъ уряды которые земскіе, одно людемъ вЂры Хрестіянское и до радъ нашихъ не мають быти припущоны, а ни въ нихъ бывать, яко жъ послЂ того тотъ прывилей на вольности наданый утверженье дЂда нашого Казимера и стрія Александра и отца нашего Жыкгимонта першого, славное памети Королей Польскихъ и Великихъ Кня-Литовскихъ, и потомъ и наше потверженье тыми жъ словы уписанъ, О чомъ вси одностайнЂ били намъ чоломъ, абыхмо то въ потверженье слушное прыведшы нашимъ листомъ и привильемъ достаточнЂ объяснили. Мы съ паны радами нашими обачившы, ижъ передъ тымъ, нижъ тотъ привилей въ ГородлЂ выданъ, станы а народы шляхецкіе знакомитыми Речы Посполитое и продкомъ нашимъ заслугуючыся значнЂ вывышоны и учтены были, яко то и въ иномъ томъ прывильи на пачатку его меновите описаны, таковые станы на тотъ соймъ до Городна пріЂхали. А къ тому ижъ тежъ бываючы, и не толко Рымского костела послушные, але и Греческого въ лавицы рады продковъ нашихъ и нашое также и иншіе вси станы, на розныхъ службахъ нашихъ бываючы, вЂрность и сталость свою ку службамъ продковъ нашихъ и нашимъ охотнЂ, яко добрымъ и вЂрнымъ подданымъ належыть, завжды и зо всякою сталостью показовали. А такъ уживаючи вси тые зацные слуги, и бачечи же въ томъ привилью нЂкоторому уваженью, хто гербовъ не бралъ, также и тыхъ хто вЂру Греческую держечи, противко продкомъ нашимъ и намъ Господарю вЂрность свою сталЂ показують, одно ижъ на томъ сеймъ не вси были, а звлаща станы Рускихъ земль, про то не уймуючы и ни въ чомъ не нарушаючы оныхъ першихъ привильевъ, отъ продковъ нашихъ и отъ насъ Господаря наданыхъ, але во всемъ при моцы зоставуючи и заховаючи; только тые два члонки и артыкулы вышейописаные объясняючи и ровняючи съ порадою и призволеньемъ пановъ радъ нашихъ духовныхъ и свЂцкихъ уфаляемъ и хочемъ мЂти. Ижъ отъ того часу, не только тые панове шляхта и бояре або потомкове ихъ всихъ земль нашихъ того панства всего нашого дарованья привильевъ и наданье всЂхъ волыюстей и справъ земских уживати и съ нимъ се веселити мають, которые суть подданы Римскому костелу и которихъ тежь продкове клейносты и гербы въ КоронЂ Польской пріймовали; але тежъ и вси иные стану рыцерского шляхецкого, якъ Литовского такъ и Русского народу одно бы были вЂри Хрестіянское, и тежъ которые продкове клеинотовъ або ли гербовъ съ Коруны Польской не брали, однако и заровно того всего вЂчными часы уживати и тыхъ вольностей веселитись, яко перед тымъ здавна и до того часу тыхъ всихъ вольиостей стану рыцерского и шляхецкого обоего народу якъ Литовского такъ и Руского уживали и съ того се веселили. Такъ тежъ и на достоенства и преложенства всякіе и до рады нашое и на уряды земскіе и дворные, не только подданы костелу Римскому отъ того часу обираны и прекладны быти мають, але однако и заровно вси рицерского стану зъ народу шляхецкого люди вЂры Хрестіянское, якъ Литва такъ и Русь, каждый водлЂ заслугъ и годности своее отъ насъ Господаря на мЂстца зацные преложенства зъ ласки нашое браны быти мають. А жаденъ зъ стану рицерского и шляхецкаго зъ стороны закону своего, будучы вЂры Хрестіянское человЂкъ, не маеть быти отъ того отдаленъ и отлучонъ для которыхъ двохъ артыкуловъ и члонковъ въ тыхъ первыхъ привильяхъ описаныхъ. ВЂджо и тое наданье вольностей и правъ земскихъ, у привильи Короля Якгела Князя Витолта сполномъ описаный, поставлено и справлено есть въ КорунЂ Польской такъ, якъ тотъ помененый привилей свЂтчитъ, про то на першомъ близко пришломъ валномъ соймЂ, которій отъ насъ зложонъ естъ, обоимъ тымъ панствамъ Коруны Польской и Великому Князству Литовскому тое поровнанье, будетъ ли потреба еще съ большимъ примноженьемъ волности, иншимъ листомъ нашимъ взновити, за сполнымъ зволеньемъ обоего панства нашего Коруны Польской и Великого Князства Литовского пановъ радъ своихъ станомъ, хочемъ обЂцуемъ не мЂшкаючи а ни уймуючи вжо ни въ чомъ сему листу нашому, и о вшемъ при моцы не порушно зоставуючы его на вЂчные часы. Якожъ на утверженье тое речы печать нашу маестатную казали есьмо привЂсити къ сему нашому листу подписавши его рукою нашою господарскою. При томъ были панове рада наша ихъ милость: Князь Валеріянъ, бискупъ Виленскій; Князь Янушъ Андрошевичъ, бискупъ Луцкій и Берестейскій; Князь Миколай, бискупъ Кіевский; панъ Миколай Радивилъ на ОльсцЂ и Несвижу Княжа, воевода Виленскій, маршалокъ земскій, канцлеръ нашъ наивышшій Великого Князства Литовского, справца староства Жомоитского, державца Кормяловскій; панъ Григорей Ходкевичь, воевода Кіевскій, маршалокъ земли Волынское, староста Володимирскій; Князь Костеитинъ Костентиновичъ Острозскій, воевода Новгородскій; панъ Павелъ Ивановичъ Сапега, воевода Витебскій; Князь Стефанъ Андреевичъ Збаразскій, воевода Подляшскій, староста Менскій, державца Лысаковскій Межирецкій и Винскій; панъ Василей Шишкевичъ, маршалокъ дворный, подскарбій земскій Великого Князства Литовского и писаръ нашъ, староста Могилевскій; панъ Остафей Воловичъ, подчашій нашъ Великого Князства Литовского, староста Дорогицкій; панъ Миколай Кишка съ Техановца, крайчій нашъ Великого Князства Литовского, староста БЂльскій; панъ Щасный Александровичъ Ходкевичъ, столникъ нашъ Великого Князства Литовского, староста Плотельскій, державца Тельшовскій; панъ Янъ Ходкевичъ, староста Житомирский; Князь Романъ θедоровичъ Санкгушковичъ, конюшій нашъ дворный Великого Князства Литовского, староста Мелницкій, державца Кгереноивскій; панъ Ярошъ Корыцкій, подскарбій нашъ дворный Великого Князства Литовского, державца Пунскій и Жижморскій, панъ Станиславъ Захарьяшевичъ Влошинъ, мечникъ нашъ Великого Князства Литовского; панъ Щасный Скрутьевичъ, хоружій зеискій, державца Радунскій; панъ Щасный Герцыкъ, маршалокъ и писаръ нашъ, староста Тикотинскій; панъ Янъ Шимковичъ, писаръ нашъ конюшій Городенскій, державца Ошменскій Вилкейскій и Красносельскій, панъ Янъ Миколаевичъ Гайко, писарь нашъ, державца Марковскій и Мядельскій; панъ Миколай Нарушевичъ, и иные панове маршалки, старостове, державцы и врядники наши земскіе и дворные. Писанъ у Вильни лЂта Божъего нароженья тисеча пять сотъ шестьдесятъ третего, мЂсяца Іюня осмаго дня. Подпись руки господарское, подпись руки пана канцлера.

Привилей БЂльскый, принятъе УнЂи, рокъ 64.

Жикгимонтъ Августъ Божію милостію Король Польскій, Великій Князь Литовскій, Рускій, Прускій, Жимоитскій, Мазовецкій, Ифлянтскій и иныхъ.

Чинимъ знаменито симъ нашимъ привильемъ всЂмъ посполите нинЂшнимъ и на потомъ будучимъ, кому того потреба будетъ вЂдати, або чтучи его слышети; паметаючи то ижъ речи и справы людскія, бы тежъ и наименьшіе на свЂтЂ оказовалисе, съ часомъ споломъ зъ людьми съ паметей людскихъ сплывають и въ забытіе бы приходити мусели, гдЂ бы писмомъ на пришлый часъ всЂмъ по насъ будучимъ ознаймены и утвержены не были; а естли меншіе речи въ звычай отъ початку вЂковъ для помененыхъ причынъ писмомъ опатровати звыкли, тогды большъ таковую, которая зъ обудву сторонъ подлЂ воли и приказанья Божьего, што Господарю и пану Христіянскому противко вЂрныхъ подданыхъ ку пану, подлежитъ полнится. А про то мы досвЂдчивши не одного черезъ весь часъ панованья нашого, але зъ давныхъ часовъ вЂковъ щастливого панованья продковъ нашихъ Королей Польскимъ и Великихъ Князей Литовскихъ, велебныхъ въ БозЂ велможныхъ шляхетнЂ врожоныхъ князей пановъ шляхты бояръ и всего рицерства обывателей Великаго Князства Литовскаго и всЂхъ земль того панства, не только зъ особъ теперешнихъ, але и зъ вЂчныхъ продковъ цЂлое вЂры статечное цноты правдивыхъ значныхъ и пожиточныхъ заслугъ ку намъ паномъ ихъ, отъ ихъ же самыхъ волиЂ яко отъ людей волныхъ выбранныхъ, и ку Речи Посполитой того панства не въ частехъ особливыхъ але во всемъ чиненыхъ и выполненыхъ, не виличаючи траченья маетности, а што болшого выливанья крове, выношенья горлъ и животовъ противко дому непріятелеви мужнЂ а сталЂ, яко належало на правыхъ рыцеровъ шлякецского народу и крове въ потребахъ Речи Посполитое того панства и въ службахъ насъ Господарей ихъ, немней тежъ не опущаючи але ни въ чомъ стороны нашое и продковъ нашихъ Великихъ Князей Литовскихъ, а звлаща зъ особы нашое досыть звыклости добротливости пристойное, а присяжоный зъ милостью повинности нашое ку тому панству нашому и обывателей вышей менованымъ, межи которою повиностью тая ижъ меншая есть справедливость чинити постерегати и розмножати ее звирхностью а належностью вряду нашего господарскаго. Про то отецъ нашъ, славное памети Жикгимонтъ Король Польскій Великій Князь Литовскій, часу щастливаго панованья своего и при подношенью парсуны нашого маестату на тое панство, за валнымъ обраньемъ тыхъ же всЂхъ пановъ и обывателей Великого Князства Литовскаго, зъ уфалы постановенья и прозбы ихъ же всЂхъ выдати и утвердити рачилъ ку справованью и захованью, то естъ справедливости светое, статутъ правъ и поступковъ Хрестіянскихъ, которая справедливость ачъ и предъ тымъ въ томъ панст†нашомъ Великомъ Князст†Литовскомъ звычаемъ стародавнымъ была, вЂдже писмомъ не объяснена была а ни утвержона. Который статутъ тотъ же светое годное и фалебное памети отецъ нашъ и мы по вдорослыхъ лЂтЂхъ нашихъ не толко привильями споможеньемъ иныхъ вольностей хрестіянскіх, здавна тому панству наданыхъ, але присегами нашими утвердили; и тымъ жо статутомъ парадокъ правный шолъ и теперъ идетъ въ томъ панст†межи всЂми, ажъ до сихъ мЂстъ, то пакъ же въ справахъ бЂгу правного мало не шкоденъ на розныхъ мЂстцахъ и урядЂхъ поправляютъ речы и артыкулы новые а розные, которые въ томъ статутЂ не были, и не суть описаны, одно противные статутови а ку понетью и уфалЂ годные, другихъ тежъ якъ часъ и потреба принесетъ надобЂ естъ поправити и еще новыхъ прибавити згожаючи и примножаючи ихъ правъ выббраныхъ и уфалы годныхъ Хрестіянскихъ, а зъ добрыхъ лепшихъ обираючи допустивши. А вдячнЂ съ пофалою и съ позволеньемъ нашимъ принявши прозбу и жадливость тыхъ же премененыхъ становъ Великого Князства Литовскаго, посвЂдчаючи и видечи прозбу ихъ слушную, допустили есмы имъ того статуту першого, тыхъ то прыпадковъ а потребъ наверху назначоныхъ, поправити прибавити разширати уняти, а доложити подлЂ наилЂпшаго напотребнЂйшаго скутку и доконалости. Якожъ за волею и допущеньемъ пашимъ а позволеньемъ радъ нашихъ обраны на то были черезъ нихъ же самихъ и съ посродку тыхъ же становъ особы певные, рады наши маршалкове земскіе, хоружіе и иные особы роду и народу шляхецкого, справъ чужоземскихъ, которіе засЂдши не одно поправили тотъ статутъ старый, але тежъ повымъ кшталтомъ нЂкоторіе роздЂлы звлаща судовые за засаженьемъ новымъ обычаемъ суду и порадку судового то становили и написали. А ижъ ку ровной а однакой справедливости всЂмъ была того потреба, абы стародавный обычай владности суду воеводъ старостъ и иныхъ врадовъ старыхъ уступилъ судомъ новымъ порадкомъ въ семъ часЂ учиненыхъ постановеныхъ и въ статутЂ описаныхъ; а къ тому за се противно было и забЂгло звЂчные звыклы и упрывильеваные вряды достоенства и належности судовъ пановъ воеводъ маршалковъ земскаго и двориаго, и земли Волынское и ихъ старостъ и державецъ врядовъ. Про то сами тые панове воеводове, а меновите на тыхъ достоенствахъ теперь и на весь часъ будучи: воевода Виленскій маршалокъ земскій, канцлеръ нашъ Великаго Князства Литовскаго, староста Берестейскій, панъ Миколай Радивилъ; воевода Троцкій, гетманъ нашъ наивышній Великаго Князства Литовскаго, староста Мозырскій, державца Лидскій, БЂлицкій, панъ Миколай Юрьевичъ Радивилъ; староста въ земли Жомоитской панъ Янъ Еронимовичъ Ходкевичъ; воевода Кіевскій маршалокъ земли Волынское, староста Володимерскій, князъ Костентинъ Костентиновичъ Острозскій; воевода Новгородскій, панъ Павелъ Ивановичъ Сапега; староста Луцкій и ВЂницкій, князь Богушъ θедоровичъ Корецкій; воевода Витебскій, Князь Стефанъ Андреевичъ Збаразскій; воевода Подляшскій, староста Менскій, панъ Василей Шишкевичъ; маршалокъ дворный, подскарбій земскій Великаго Князства Литовскаго, писаръ нашъ, староста Могилевскій, панъ Остафей Воловичъ, и иные врадники земскіе и старостове и всЂ державцы, и которихъ колвекъ владности судовые въ томъ панст†нашомъ Великомъ Князст†Литовскомъ перекажали и впередъ перекажати бы могли тому статутови и порадку и засаженью судовному постановеному и списаному, пришедши и постановивши передъ нами обличнЂ по доброй воли своей, маючи напродъ Пана Бога и справедливость светую передъ очима своими, важили большъ тую а нижли которое въ томъ по воли звирхности владности и пожитки свои, надъ все наслЂдуючи приказанье Божое, которое учитъ миловати ближнего своего яко себе, а съ тогожъ показуется абы одинъ другого ничого не пожадалъ, а если чого иного тогды надо все справедливости инакшей мЂти не хотЂлъ, милуючи Речь Посполитую а въ ней братью зо всими владностями свою молодшую народъ шляхецкій а рицерскій, а суды свое зо всими владностями и пожитки, которые по звирхности судовъ нашихъ господарскихъ немней на нихъ належали, обычаю первого мененого и водлугъ статуту старого выступилъ, и зо всими пожитки таковыхъ ихъ милость панове врадниковъ слугъ и дЂцкихъ пересудовъ и винъ а отозвовъ, а въ теперешнемъ новомъ статутЂ апеляцыи, то есть отбыванья, и тежъ звычаю права корунного судовъ и справъ всЂхъ воеводскихъ отступили и выреклись. Наконецъ не только ихъ милость панове воеводове и иные врадники владности и всякихъ пожитковъ своихъ судовыхъ и за владностью и поступкомъ судовыхъ належачихъ отступили; але тежъ посполъ князи, панове, маршалки, панята, и якимъ кольвекъ обычаемъ названые врадники нашими, и вся шляхта никого не выймуючы, почавшы отъ старшаго по насъ Господаря ажъ до наименшаго такъ духовный яко и свЂцкій Великаго Князства Литовскаго, на томъ сеймЂ великомъ вальномъ БЂльскомъ въ одно ровное право въ однакій а не инакшій судъ моцъ и поступки судовые и послушенства, а порадокъ врадовъ на суды выбраныхъ и высажоныхъ, сами и потомками своими поддали и поддаютъ; а себе при нихъ тому досыть чинечи вЂчными часы обЂцали, яко въ томъ статутЂ зъ уфалы всЂхъ, а черезъ особы отъ тыхъ обраные и высажоные, описано постановено и розмножоно и над то сполнЂ и одностайнЂ вси жадали и били намъ чоломъ, абыхмо мы Господаръ на то позволивши, а гдЂ бы тежъ въ чомъ перекажало што стороны звирхности нашое господарское, яко великого стародавныхъ судовъ нашихъ тому статутови порадку и артыкуловъ въ немъ описанымъ, зложивши и поступивши то и не допущаючи тымъ тому, и такъ светобливой спра†перекажати утвердити имъ въ посполитости оный статутъ нашъ листомъ. А такъ кгдыжъ початокъ тое побожное справы въ становенью того статуту былъ зъ воли Великого Князства и за доконаньемъ его, на него зволивши и подъ него въ шафованье справедливости своее поддавшисе, намъ о то съ чоломбитьемъ своимъ просили. Мы знаючи тотъ народъ того панства быти годными всякихъ вольностей налепшихъ и справедливости, которая за справою и порадкомъ правнымъ слушнымъ задерживаетъ и еще примножаетъ, не одно вольностей и пожитки плодечи, але тежъ способляючи розшираючи панства, а надо все полничи волю и учинность нашу, къ тому прихиляючи и утверженье всимъ обывателемъ здЂшнимъ, шлюбуемъ и обЂцуемъ и прирекаемъ, подъ тоюжъ присегою Великого Князства, тотъ статутъ новый не только симъ привильем, а тежъ словом нашимъ господарскимъ за насъ и всЂ потомки наши, Короли и Великіе Князи Литовскіе тому панству Великому Князству Литовскому и всимъ чинили держати ховати, водлЂ того ихъ радити судити и справовати и отъ кождого насилья моцы кгвалтъ и наменшее образы въ томъ статутЂ боронити и не допущати ни въ чомъ никому. Такъ тежъ паномъ воеводамъ и всимъ врадникомъ, гдЂ хотЂли чого они держати засе старые владзы судовъ отозвовъ и пожитковъ своихъ, вдавати и ихъ попирати и выламоватися мЂли зъ ровности судовъ, въ которую се теперъ передъ нами вызнаньемъ своимъ поддали, мы сами и потомки Короли и Великіе Князи Литовскіе не допустимъ и не дозволимъ, але боронити и стеречи будемъ, абы во всемъ и во всЂхъ артыкулЂхъ цЂлъ тотъ статутъ былъ захованъ. ВЂджо если бы въ чомъ потреба была того статуту и артыкуловъ которихъ въ немъ поправити; тогды на сеймЂ тыхъ, которые на сесь часъ при становенью унЂи Великаго Князства Литовского съ Коруною Польскою захованъ естъ, впередъ при моцы Великому Князству Литовскому за волею нашою господарскою можно и волно будетъ, сполнымъ а одностайнымъ намышленьемъ радою и позволеньемъ всЂхъ становъ родичовъ и обывателей оного панства Великого Князства, тотъ статутъ и артыкулы въ немъ поправляти прибавити розширати, будь тежъ чего и доложити албо уняти, штобы одно зъ лЂпшимъ ку досконалшому захованью и порадку справедливости светое вынайти и постановити могло; а мы то все впередъ въ томъ статутЂ таковымъ обычаемъ, яко верху доложоно, зъ полного зволенья всихъ обывателей поправено и уфалено будетъ, утвержаемъ симъ жо нашимъ привильемъ, и хочемъ и обЂцуемъ то во всемъ моцно держати и ховати подъ обовязками нашими вышей менеными. А къ тому тежъ дозволили есьмо и допущаемъ теперъ заразомъ тотъ новый порадокъ и росправовъ засаженью судовъ и обиранью на то врадниковъ и розложенья мЂйстцъ на судъ и на положенье и хованье книгъ судовыхъ учинити и постановити; а которимъ способомъ они вси станове панове рады ихъ милостъ княжата панята врадники земскіе и дворные и все рицерство шляхта обыватели того панства и Великаго Князства, сполнЂ на то позволившися и згодивши, тотъ порадокъ и кшталтъ засаженье судовъ обранье и становенье на то врадниковъ разложенья повЂтовъ и мЂйстцъ и роковъ на судьи и на хованье книгъ судовыхъ учинити и постановити, то вжо въ той мЂр таковымъ обычаемъ впередъ трывати но и справовано быти маеть. А маетъ ся тотъ статутъ и вси справы поступки порадки и вступъ а початокъ его зачати отъ дня свята светаго Мартина въ року теперешнемъ тисеча пять сотъ шестьдесятъ четвертомъ, и владностью моцъю а описаньемъ артыкуловъ, яко се вышей въ семъ привильи нашомъ поменило, ити и дЂятись и полнити вЂчиными часы непорушно. Одножъ што се дотычеть речей изъ розницы и долеглостей прошлыхъ, кому бы того о што кольвекъ лЂло было, и хто бы право которое свое водл угъ першаго обычая и бЂгу права посполитого статуту уфалъ соймовыхъ обварованье мЂлъ; тогды о то все ачъ колвекъ одинъ другого вже отъ часу замереного до суду кшталтомъ теперъ новымъ постановенымъ и передъ судьи и иншіе врады судовые тымъ новымъ порадкомъ засажоный росправленый и постановленый притегати маетъ; вЂдже таковые давные и прышлые речи розницы и долеглости всяко стану мають быти сужоны и росправованы черезъ тыхъ же судей новыхъ повЂтовыхъ водлугъ старого статуту и обычаю права, а тотъ новый статутъ и артыкулы его не будутъ мочы моцъю и владностью своею у жадного суда прошлыхъ речей и справъ, а справедливости людское водлугъ першаго статуту и бЂгу права посполитого слушиЂ обварованыхъ и опатреныхъ, касовати и казати. ВЂджо што се дотычеть правъ и судовъ духовныхъ костеловъ Божіихъ, которіе водлЂ стародавного обычаю и поданья привилевъ продковъ нашихъ и нашихъ господарскихъ княземъ бискупомъ архіепископомъ владыкомъ ихъ милости судьямъ въ томъ панст†Великомъ Князст†прислушаеть; то при моцы зоставуемъ и заховаемъ тежъ вЂчными часы. Къ тому тежъ права и обычай въ судЂхъ земль Великаго Князства Литовскаго стародавныхъ Подляшскихъ, Дорогицкихъ БЂлско-Мелницкое заховываемъ во всемъ, подлугъ наданья привильевъ, ихъ ни в чомъ не нарушаючи; над то права Майдеборскіе яко въ мЂстЂ нашимъ столечномъ Ви ленскомъ, такъ и во всихъ иныхъ мЂстехъ того панства нашаго Великаго Князства Литовскаго въ цЂлости заховываемъ. А на утверженье и моцность сего нашого привилья, подписавши его власною рукою нашою, печать нашу къ нему привЂсити есьмо казали. При том были и того добрЂ свЂдоми: Князь Вадеріянъ, бискупъ Виленскій; Князь Юрей Юрьевичъ Слуцкій; Князь Янушъ Андрошевичъ, бискупъ Луцкій и Берестейскій; Князъ Станиславъ Кгабрыяловичь, бискупъ Жомоитскій; панъ Миколай Радивилъ, воевода Виленскій, маршалокъ земскій, канцлеръ Великаго Князства Литовскаго, староста Берестейскій, пан Виленский, гетманъ нашъ дворный Великаго Князства Литовскаго, староста Городенскій; панъ Григорей Александровичъ Ходкевичъ, воевода Троцкій, гетманъ нашъ наивышій Великаго Князства Литовскаго, староста Мозырскій, державца Лидскій БЂлицкій Сомилашскій, панъ Миколай Юрьевичъ Радивилъ, староста Жомотскій, державца Плотельскій; панъ Янъ Еронимовичъ Ходкевичъ, воевода Кіевскій, маршалокъ Волынское земли, староста Володимерскій, Князь Костентинъ Костентиновичъ Острозскій, воевода Новгородскій; панъ Павелъ Ивановичъ Сапега, воевода Витебскій; Князь Стефанъ Андреевичъ Збаразскій, воевода Подляшскій, староста Менскій, державца Литовскій и Межирецкій; панъ Василей Тишкевичъ, маршалокъ дворный, подскарбій земскій Великаго Князства Литовскаго, писаръ нашъ, староста Шавленский; панъ Остафей Волович; Князь Александръ θедоровичь Чорторыйскій; Князь Миколой Андреевичъ Збаразскій, староста Кременецкій; Князь Андрей Ивановичъ Вишневецкій; Князь Иванъ Любецкій Бабына; Князь Андрей Петровичъ Масальскій, подчашій нашъ Великаго Князства Литовскаго; панъ Янъ Шимковичъ, писаръ нашъ староста БЂльскій; панъ Юрей Александровичъ Ходкевичъ, маршакокъ нашъ Великаго Князства Литовскаго; панъ Янъ Шимковичъ, писаръ нашъ староста Тыкотинскій; панъ Петръ Богдановичъ Загоровскій; панъ Юрей Васильевичъ Тишкевича, державца Волковыйскій; панъ Григорей Гринковичъ Воловичъ, староста Слонимскій; панъ Александро θедоровичъ Владычка, державца Бирштянскій; панъ Григорей Есифовичъ Трызна; панъ Михайло Тишкевичъ Козинскій, городничій Володимерскій; панъ Янъ Гайко, писаръ нашъ, державца Ошменскій Винскій Красносельскій, а писаръ и секретарь нашъ, державца Марковскій и Мядельскій и Куренецкій; панъ Миколай Павловичъ Нарушевичъ, мечникъ нашъ Великаго Князства Литовскаго; панъ Матей Петчевичъ, державца Скерстомонскій и Росенскій; и иные панове врадники, державцы, тивунове земли Жомоитское, хоружіе послове зо всихъ земль и повЂтовъ того панства Великаго Князства и иножества шляхты рыцерства нашого и обывателей здЂшнихъ, яко на соймъ великій вальный отъ насъ листы нашими позваными и обраныхъ, а иныхъ пановъ радъ нашихъ князей пановъ панять, врадниковъ старостъ и иного рицерства, ачъ на тотъ часъ для собранья у войско противъ непріятеля нашого Великаго Князя Московскаго пры насъ ихъ не было, вЂдже на то все што вышей въ томъ привилью нашомь описано, черезъ пословъ своихъ позволили. И на то есьмо дали всЂмъ станомъ обывателемъ Великаго Князства Литовскаго сесь нашъ привилей. Писанъ у БЂльску лЂта Божъего нароженья тисеча пять сотъ шестьдесятъ четвертого мЂсяца Іюля перваго дня.