Таза ойлор Так сөздөр
- -
- 100%
- +
Элдин баары эле “сөз” менен ден соолукта болууну каалайт, тилейт, бирок, ден соолукта болуу үчүн керектүү эрежелерди сактай алабы? Ой жүгүртүүсү кандай?
Аны, ар бир адам өзү кана билет.
Азыр төмөндөгү сөздөрдү окуу менен бирге үн чыгарып кайталоо, жаныңа бир чыны же стаканга суу куюп коюп уурттап ичип айтуу жакшы натыйжа берет.
Мисалы : “Мен азыр ушул секундадан баштап өзүмдү чың ден соолукта сезип жатамын! Себеби, ооруу болуудан баш тарттым!” “Мага – ден соолук керек!” “ Мага ден соолук!” “Мага ден соолук керек!” “Мен өзүмө өзүм азыр ден соолукта болууга уруксаат бердим!” “ Мен өзүмдү ден соолукта сеземин!”
“Негизги “күч”дайыма мени менен бирге! Мен күчтүүмүн!” “Мен эрктүүмүн!”
“Ден соолук мени менен түбөлүккө бирге!” “Мен ден соолукта төрөлгөм!”
“Мен ар дайым ден соолуктун толкунундамын!” “Менин органдарымдын баардыгы так, өз нугунда ритимдүү,чың ден соолукта иштеп жатат”.
“ Менин ден соолугум күндөн күнгө чыңалып баратат, аны сезимим менен сезип жатам”. “Мен бактылуумун!” “Шамдагаймын, көңүлүм ачык, шайырмын!”
“Менин каалаган нерселерим, мен кандай ойлосом ошондой болуп жатат”.
“Ойлорумду дайыма кантип таза, жакшы ойлорго бурууну өз убагында билемин”. “Менин оюм, менин бүгүнкү күндөгү жашоом”.
“Мен дүйнөгө ачылдым!” “Мен адамдарга ачылдым!” “Мен дүйнөгө таандыкмын, дүйнө мага таандык!” “Мен Аалам бөлүкчөсү экендигимди түшүндүм!” “Ар бир адам Аалам бөлүкчөсү, ал нурдан башталат!”
“Дүйнө, Аалам менден башталат, бүткүл Аалам менин денем менен байланышкан, мен алар менен тыгыз байланыштамын”
“Мен өз жайымдамын!” “Башкалар өз жайында!” “Дүйнө өз жайында!”
“Ар бир күн мен үчүн белек – мен үчүн эң сонун күн!” “Мен баардыгына ыраазымын!” “Мен өзүмдү жакшы көрөм, мен дүйнөнү, баардык көзүм көрүп кулагым уккан нерселерди, баардык адамдары сүйөм!”
“Баардык сезимим менен сезгендин баары – менмин!” “Мен – бүткүл дүйнөнү, Аалам, жан жаныбар, курт кумурска, планета, жылдыздар, галлактикалар, ар бир адам баласын өзүмдүн жашоого болгон көз карашым аркылуу көрөмүн! Ал менин дүйнөм” “Мен ар бир күнүм үчүн сүйүнөмүн, кубанычымды бүт Ааламга сезимим менен таркатамын”. “Мен жатканда кантип өзүмдү бактылуу сезип жатканды, эртең менен турганда өзүмдү кандайча бактылуу сезип турууну так билемин!” “Мен бакыттын ээсимин!” “Баардык нерсе мен төрөлгөндөн бар нерсе, ал менин денемде, маалымат талаамда жазылган!”
Ден соолугу чың, бай, жашоодо сүйүнүп, бактылуу жашаган адам жашоонун закону боюнча 5%– “терс” ойду, 35% – “оң” ойду, 65% – “нейтралдуу” ойлонуп жашаары турмушта далилденген. Эми ошондой деңгээлге жетүү үчүн ар бир адам өзүн өзү кайра тарбиялоо менен өзгөрө алат. Ал үчүн ар бир адам өзү “чечим” чыгарат.
Китепти окуп мындан ары улантуу керек же керек эмес экендигин “чечүү” ар бир инсандын өзүнүн эркине, каалоо, тилек, ниетине жараша болот. Каала улант, каала китепти жаап катып коюуга же каалаган нерсеңди жасоого же жасабай коюуга толук укугуң бар. Себеби, ал китеп сага таандык, колуңда тургандан кийин анын ээси азыр сенсиң.
Эскертүү: Бул китепти окуп баштагандан баштап эле “аң сезим” менен иштөө башталат. Ар бир алынган маалымат бул – жаңы илим, жаңы жашоо башаты, дененин жаңылануусу, жаңы нур толкунга улануу. Өзүңдүн кылган ишиңди өзүң байкоо жүргүзүү менен көрө баштайсың, башкача айтканда өзүңдү сырттан көрө баштайсың. Кетирген кемчилигиңди сезип, аны кандайча жасап жаткандыгың өзүңө ачык, так көрүнө баштайт. Жашооңдун өзүң каалагандай болушун, ден соолугуңдун чың болушун кааласаң, анда китепти окууну улантсаң болот.
Китепти окуу менен ой жүгүртүү, сүйлөө тартибиң өзгөрөт, жашоого болгон көз карашың күндөн күнгө ар тараптуу боло баштайт. Эски дүйнөң урап, жаңыча жашоо кура баштайсың. Айлана чөйрөңдөгүлөр менен болгон мамилең өзгөрүп өзүңдүн кандай чөйрөдө жашап жаткандыгыңды көрө баштайсың. Жакса улантып, жакпаса башка варианттарды көрө аласың.
Бирөөлөрдүн кемчилигине, жасаган ишине таң калуу, сөз кылуу, ушактоо же шылдыңдоо ордуна ал адамды туура “түшүнүү” башталат, же “ кандай болсо ошондой кабыл алууну үйрөнөсүң.
Алгачкы убакта жаңы баскан жаш наристедей там – туң басып, алдыга жыла баштайсың. Өзүңө өзң таң каласың.Кээ бир нерселерди биринчи жолу көргөндөй сезим пайда болот, андан коркпоо керек, болгону сен “аң сезимдин өзгөргөн жаңы жашоо этабына” өтөсүң. Бир деңгээлден экинчи этапка өттүң. Же биринчи класстан экинчи класска көчкөн сыяктуу, кызыктуу нерселерди көрүп, өзүңдүн ой жүгүртүүң менен анализдей баштайсың. Мээң аркылуу ойлонуп анализ жасоону үйрөнөсүң. Мээде кыймыл башталгандан кийин ден соолукта дагы өзгөрүү боло баштайт. Ал ден соолукка кадам коюу дегендик.
Ал эми, бул этаптан өтүү үчүн “өзүңдү өзүң сыйлап, колдоп, сүйүүнү “ үйрөнүү керек. Аны кантип жасоо керек десең, ал этап дал ушундай сөздөрдү айтып, ойлорду ойлоо менен башталат. Өзүңдүн жаратылышынан, туулгандан бар күчүңдүн касиети ойгонот.
–
[А] Мен, Сен, Ал, Биз, Дүйнө, Аалам, Кудай тынч!
Кандай ойлорду көп ойлойсуң?
Байкоо жүргүзөбүз:
Ооруунубу? Же ден соолуктубу? Өзүмдү кандайча сезем? “Оң жакка барсамбы же сол жакка барсамбы? Же акылымды башкарып, жүрөгүмдү уксамбы?
“Сезимиңде сезгениң” – бул чын жүрөктөн ойлонгонуң, Алла Таалага жөнөткөн ниетиң, каалооң, сезимиң, нуруң, сигналың.
Төмөндөгүдөй ойлор көп келеби? Акчам жок, кантип тирилигим өтөт?
Ар жерим ооруйт, рак болуп калдым окшойт. Карызым көп, кредитти, ипотеканы кантип төлөйм? Чындык жок, акча бербесең чечилбейт.Теңчилик жок, алдап койсочу? Мага жакшы жашоо буйрубаган. Кудайдан корком, кудай жазалайт?
Өлүп калат окшойм? Өлгөндөн корком. Уурдап кетпесин, азыр ууру көп.
Алым, күчүм жок. Кантип күрөшөм? Жашоо кызыксыз. Өлүп эле калсамбы?
Аялдар алдайт, азгырат, оору жугузат. Эркектер алсыз, сөзүндө турбайт, мени пайдаланат. Сүйүү жок, мени эч ким сүйбөйт, мен эч кимге керек эмесмин.
Үй – бүлөм жок, эмнеге турмуш кура албайм? Бай болгондон корком, бай болсоң душманың көбөйөт. Кембагалдык бешенемде жазылган,таманым жоор болуп өтөмбү? ж.б.у.с. келеби?
Эми, денени байкайбыз: Ар бир суроодон кийин токтоп, денеи бош кой, көздү жуумп тур, өзүңдү тыңшап ук. Дененин кайсыл жеринде ооруу кандай сезимден кийин жана эмнеден пайда болду? Башыңдын кайсыл тарабында ооруупайда болду? Денең – так жооп берет. Байка : жаман ойлогондо дене өзүн кандай сезди? Оорууну ойлогондо денең өзүн кандай сезди?
Мисалы: бут же жүрөк сайгылашып ооруп кетти, ошол дене мүчөңдөн кечирим сура, кечир. Мээңдин тартышкан жерин бош карма. Мээге түшүндүр. Менин мээм эми мага ал сезимдин кереги жок. Мен ал сезим менен кантип жашаганды үйрөндүм. Ракмат сага. Ыраазымын! Мен ден соолукта болууну чечтим! Ден соолукту тандадым! Ден соолуктун толкунуна уландым! – деп төбөңдөн энергия кирип жууп жатат деп элестет.
Кыялыңда көз алдыңда кандай түстөр пайда болду? Кетпей туруп калган түстөр менен сүйлөшө бер. Жашоонун кайсыл өнүгүү этабында болсоң ошол түс көбүрөөк өлчөмдө болот. Эгерде жаның байыркы жандардын катарында болсо аппак түстө же күн нурундай жарык түскө барганад жапжарык болуп көзүң өзү ачылып кетет. Эми көңүлүңдү ички дүйнөңө бур. Көзүңдү жумуп концентрация кыл. Түсү кандай? Ал түскө ыраазы бол, Миаслы: кызыл түс бутуңда турат, ошол түс менен сүйлөш -“Мен сени менен ушунча жыл бирге өмүр сүрдүм, сени кабыл алдым!Сени менен бирге кантип жашаганды үйрөндүм. Сага ыраазымын! – деп туруп көгүлтүр түстү элестет да жуулуп, тазаланып кетти деп ойлон. Кызыл түстөр эки буттуңдан жылып денеңден чыгып, Жерге сиңип кетти. Аны менен кошо жаман ойлор кетти. Денеңди бош карма, эки буттту кыймылдатып, “Ооруунун” денеден чыгып кетишине уруксаат бер. Себеби, ооруу– бул энергия, кыймылсыз уюп, туруп калган энергия. Ал эми энергия кыймылдайт, жылат. Аны массаж кылыш керек, же кыймылда. Көздү ачпай тур. Жаман ойду жакшыга өзгөртүп ойлоп, коюп жибериш керек. Оорууңду мээриңди төгүп узат. Ыраазылык билдир. Денени бош карма, дем ал, дем чыгар. Дем алуу менен денедеги туруп калган “энергия” жылат, коюуланган кан суюла баштайт. Денеде талыкшып, жүрөк сыгылган акыбал да байкалышы мүмкүн. Өзүңдү бош кармоого, чыдамкайлык менен ооруунун денеден чыгып кетүүсүнө жол бер. Ар кандай ооруу дене аркылуу акырын жылып – жылып таркай баштайт. Суусасаң жылуу суу коюп, ууртап ичип тур. Жүрөк, кан тамыр ооруулары менен ооругандар этияттык менен, акырындык менен аз аздан жасоосу керек, шашуунун кереги жок. Себеби, ал ооруу бир күндө пайда болгон жок да, аны өзүң жакшы түшүнөсүң. Бул нерсени баштап алгандан кийин күнү-түнү энергиялар жыла баштайт. Ошон үчүн, бул китеп адабий китеп эмес деп эскертип жатам. Денедеги дың жерлер өздөштүрүлүп, муздар эрий баштайт. Чыдап, улантуу керек. Ден соолукту бузуу оңой, калыптандыруу үчүн эскини денеден бошотуп коюп жиберүү керек. Эски энергия кетпесе, жаңысы кантип кирет? Эч ким эч кимге жооп бербейт, себеби өзүң бузгансың, өзүң аны оңдой аласың. Ал үчүн денеңди ук. Оюңдун тазалыгын сакта. Позитивдүү ойлон.
Булчуңдарды бошотуу, денени бош коюу, ар кандай ооруулардан бошонууга чоң жардам берет.
Бүгүнкү күндө канчага чыксаң, оорууну да ошончо жыл бапестеп бактың, эми аны менен коштошуу да акырындык менен болуусу керек. Коркуунун ордуна, ойдун оң жагын алуу керек. Бул сөздөр ойду оңдоого жардам берүүчү сөздөр. Ошон үчүн китептеги сөздөрдөн пайдаланууга болот. Эми, ден соолугу чың денени, мүчөнү элестет. Өзүңдүн сезимиң менен бекемде. Менин ден соолугум чың! – деп, өзүңдү өзүң күндө, ден соолугуң чың болгондой сез.
Күнүгө аз аздан жасап олтуруп, денени бош кармоого, ар кандай ооруулардан бошонууга үйрөнөбүз. “Көңүлдүн борбору “-ден соолукта болсун! Өзүңдүн ден соолукта баскан – турганыңды сез!”. Бул деген нерсе “өзүң менен өзүң иштеп, өзүңдү өзүң сүйүүгө үйрөнүү” болуп эсептелет. Сүйүүнүн нуру-жашоонун нуру. Жашоону сүй, ырахаттанып, ар бир көз ирмемде кубанып жаша!
Ойдун оңолушу – бул ден соолуктун оңолушу! Жашоонун өсүп өнүү нугуна бурулушу. Жаңы жашоону «куруу» болуп эсептелет.
Эми, жаман ойду жакшы ойго алмаштырып ойлоп көрчү, денеңде кандай өзгөрүү болот? Сезимиңде сез! Өзгөрткөндө энергиянын агымы жогорулайт, сезим жакшыра баштайт. Азыр ошол айырманы сезиш үчүн көнүгүү жасайбыз. Ар бирин айтып, дене менен сезип көргүлө. Кайсынысы жакты ошол ойду, сезимди көбөйтүп, эстеп калуу менен ден соолукту чыңдоого болот. Бул аң сезимди чектеген жакын ададмдардан, кошуналардан,элдин, мамлекеттин чектөөсүнө ишенеген ишенимдердин тоскоолдугу. Адам баласы ошол чектөөдөн чыга албай кыйналат. Бир убакта өзүң ошол нерсеге ишенип алгансың эми кайра өзүң ал ишенимден түшүнүү менен чыга аласың. Ишеним менен түшүнүү сенин жолуңду тосуучу дагы ачуучу дагы.Туура түшүнсөң өзүңө өзүң өтө чоң жардам бересиң.
Жаман ойлордун программасы – өчтү
Жакшы ойлордун программасы ишке кирди
1
Акчам жок, акчалуу болуш мага буйрубаган! Элде акча, мамлекетте акча жок. Мамлекет кедей – программасы өчтү
Менде дайыма акча бар! Элде дайыма акча бар! Менин мамлекетим өтө бай! – программасы ишке кирди
2
Ар жерим ооруйт – программасы өчтү
Мен ден соолукта төрөлгөм, себеби өзүмдү деним сак сеземин! Себеби денемдин өзүн өзү калыптандырып кетээрине ишенемин! Аалам менен Жердин ортосундагы байланышым калыптанды!– программасы ишке кирди
3
Карызым көп – программасы өчтү
Керектүү убакта, керектүү өлчөмдө мага да ага да ыңгайлуу шартта оңой төлөп жатамын! Мен кантип өз убагында алганды жана бергенди билемин! -программалары ишке кирди
4
Чындык жок – программасы өчтү
Мен өзүмө өзүм чынчылмын. Чындык бар! Мен өэүмө өзүм чынчыл болууга уруксаат бердим! – программасы ишке кирди
5
Теңчилик, акыкатчылык жок– программасы өчтү
Теңчилик, акыйкатчылык бар. Менин дүйнөмдө теңчилик, акыйкатчылык орноду, тең салмактуулук өзүнүн калыбына келди! Аял-эркек тең укута!-программасы ишке кирди
6
Мага жакшы жашоо буйрубаган– программасы өчтү
Мен жакшы жашоого өзүмө өзүм уруксаат бердим. Жакшы жашоонун ээсимин. Жашоомо ыраазымын! – программасы ишке кирди
7
Кудайдан корком – программасы өчтү
Кудай эч кимди жазалабайт, адамдын «намысы» өзүн өзү жазалайт.Себеби, коркунучу күчтүү. Менин коркунучум өз нормасына келди! Кудай мени сүйөт жана колдойт, себеби кудай менин денем аркылуу өзүн сездирет, себеби, ал энергия, нур, жылуулук– программасы ишке кирди
8
Өлгөндөн корком – программасы өчтү
Мен жашоону тандадым, өлүмдүн бар экендигин түшүнөм жана кабыл алдым. Менин жашагым келет. Мен азыр жашоону тандадым! Ыраазы болуп жашап жатамын! – программасы ишке кирди
9
Уурдап кетпесин -өчтү
Туулгандан жараткандын коргоосундамын. Менин дүйнөмдө уурулук жок, адамдар жетишкен жашоодо жашайт, себеби мен аларга ишенемин! -ишке кирди
10
Алым, күчүм жок -өчтү
Мен күчтүүмүн. Кудайдын күчү ичимде – ишке кирди
11
Жашоо кызыксыз – өчтү
Ар бир көз ирмемде жашоодон ырахат алып жашап жатам. Бул жашоого укмуштарды жаратуу үчүн келгенмин -ишке кирди
12
Аялдар алдайт -өчтү
Аял заты жаратуучу, дүйнөгө сүйүү нурун таркатуучу. Мен аялдарга ишенем, себеби, ал менин ден соолугум – ишке кирди
13
Эркектер алсыз, сөзүндө турбайт – өчтү
Эркектер эң күчтүү коргоочу, жашоого кам көрүүчү. Айтканын өз убагында аткарат. Эркекке ишенүү, өзүмө өзүм ишенүүм -ишке кирди
14
Сүйүү жок – өчтү
Сүйүү– бул көзгө көрүнбөгөн нур, ал нур ар бир адамдын өзүндө, ички дүйнөсүндө, денесинде. Сүйүү дайыма мени менен бирге! Сүйүктүүмүн,сүйкүмдүүмүн! Тирүүлүктүн өзү сүйүү! Жүрөгүмдөн, көкүрөгүмдөн сүйүү, жарык нуру дайыма чачырап турат! – ишке кирди
15
Үй-бүлөм жок -өчтү
Ар бир адам денеси эң чоң үй, үй – бүлө, төрөлгөндөн түгөйлүү болуп жаралган. Мен өзүмө үй– бүлөлүү болууга уруксаат бердим! Сүйгөн жарымдын мага жолугуусуна уруксаат бердим -ишке кирди
16
Бай болгондон корком – программа өчтү
Туулгандан байлык менен бирге төрөлгөм. Байлык менин ичимде! Менин ички жана сырткы дүйнөм бай! Өзүмө бай болууга уруксаат бердим!Себеби ал энергиядан турат, менин руханий жана материалдык дүйнөмдүн энергиясы.Ал энергия ар бир адамда бар – программалары ишке кирди
17
Кембагалдык бешенемде жазылган – программасы өчтү
Мындан ары кембагалдык жашоону токтоттум! Себеби, адамды кембагал кылган “ишеним” экендигин түшүндүм. Кембагал болуунун программасын өчүрдүм. Ар кандай бай болбоо үчүн жасаган аракеттеримди, тоскоолдуктарымды ачык көрүп жатам. Мен өзүмө өзүм бай болуп жашоого уруксаат бердим. Ашыкча “көз артуумду” нормага келтирдим. Себеби өзүм каалаган нерселерди кантип өз убагында жасоону билемин. Жасап жатамын. Болгон байлыгыма кубанам,сүйүнөм. Мындан ары айкөл болууну чечтим! Байлыктын ачкычы ички дүйнөмдө. Ал ачылды! Мен кантип алганды жана бергенди билемин! – программасы ишке кирди
18
Мен бактысызмын – программасы өчтү
Мен бактылуумун. Төрөлгөндөн бактылуу болуп төрөлгөм! Өзүмө өзүм бактылуу болуп жашоого уруксаат бердим! Мен бакыттын ээсимин! – программалары ишке кирди
19
Кудай мени жазалайт – программасы өчтү
Эч ким эч кимди жазалабайт, ар бир адам өзүн өзү жазалайт, себеби, адамдык “намысы” ошентип иштейт. Мына ушул секундадан баштап менин “ намысым” мени сактайт жана коргойт, себеби ойлогон оюмду жана сөзүмдү өз учурунда так айта аламын – программасы ишке кирди
20
Эл айтат, элден уялам, эл эмне дейт? – программасы өчтү
Эл ар бир адамдан куралат. Ар кимдин жашоого болгон көз карашы ар түрдүү. Мен ар бир адамдын укугун баалайм жана колдойм. Ар кимдин өзүнүн чындыгы бар. Мен өзүмдү кандай болсом ошондой кабыл алдым. Ошондуктан адамдардын сөзү менин тынччылыгымды бузууга акысы жок. Мен өзүм менен өзүм гармониядамын! Каалаганымды жасоого толук укугум бар. Менин эрким жана аң сезимим кол тийгис! – программалары ишке кирди
Мындан ары, жогорку тартипте ар бир сөз, сүйлөм менен ушинтип иштесеңер болот.
Ар бир сөздүн маанисин “аң сезим” менен “түшүнүп”, “ден соолукту” “сезим” менен “чыңдап” энергияңдын кубаттуулугун жогору көтөр. Аны өзүңө өзүң түшүндүрүп бар.
Башкача айтканда ой жүгүртүүнү оңдоо менен ар бир адам өз ден соолугун өзү чыңдай алат, жашоосунун сапатын жакшы жагына өзгөртө алат.
Суроо канчалык көп берилген сайын, мээнин иштеши активдештирилет, ой жүгүртүү тездейт, кан айлануу жакшырат. Бирок суроону позитивдүү берүүнү үйрөнүү зарыл. Китепти окугандан кийин адамдар бири – бириңер менен позитивдүү сүйлөшүүгө көбүрөөк маектешүүгө өтсөңөр, жакшы таасир берет. Себеби, жүрөк өйүгөн сырларды, ойлорду ичте кармагандын ордуна сыртка чыгарып, энергиянын айлануусун, кандын айлануусун жакшыртуу,жашоону узартып, турмуштун кызыгын көрүүгө жардам берет. Терс сезимдерди бирөөгө айтып ушакты көбөйтүүнүн ордуна эч ким жок жерде өзүңө – өзүң айтканың оң, себеби, бирөөнү ушактоо менен өзүңдүн ички дүйнөңдү башкаларга көрсөтөсүң. Андан көрө кагазга жазып өрттөп сал. Себеби, уккан кулак аны, бирөөгө өткөрмөйүнчө, ал маалыматтан кутула албайт, ошон үчүн адамдар бирин-бири сөз кылууга, маалыматты бөлүшүүгө жөндөмдүү. Уккан сөздү эч качан сөзмө сөз сен айткандай жеткире албайт жана айтпа деп айткан сөзүң сенин айлана чөйрөңө белгилүү болот. Өзүңөр жөнүндө жаман сөздүн ордуна, жакшы нерселерди айткан оң. Себеби, баары бир адамдар тарабынан бурмаланып, ар кандай окуяга айланат, ал эми жакшысы сезимиңди жакшыртат. Жаманы ден соолугуңду бузат. Ал нерсеге көз каранды болбоо үчүн өзүңдүн жашооңо өзүң кожоюн бол, аны өзүң өзгөртүп баруу келечекке ишенимдүү жашоо түзөт.
Ичте “ашыкча сыр катуу”, бул ден соолуктун начарлашына алып келет. Себеби, ал нурлардын айлануусу, нур айланбай туруп калса, ичиңде кыжаалатчылык пайда болот. Кан айлануу начарлайт. Ошндуктан сырыңды ашыкча сактоонун ордуна кагаз бетине жазып өрттөп салуу адамга аябай чоң жардам берет. Сыр чечишкен адамың болсо андан да жакшы, эгерде сени позитивдүү нукка бура билген адам болсо. Жакшысы эч кимге айтпай эле өзүңө өзүң шыбырап айтып, жаныңды кыйнаган сырды, энергияңды денеңден чыгарып сал. Сырды уккан адам сен жөнүндө кандай образ түзөт ал белгисиз, ошон үчүн проблеманы көбөйткүң келбесе бирөөгө айтпай эле койгон оң.
Сырдын ичте сакталышы боордун ооруусуна, кандын коюуланышына алып келет, ошондуктан сенден уккан нерсени баары бир бирөө менен бөлүшөт, себеби сыр – бул нур, энергия толкуну экендигин түшүндүң. Ал эми энергиянын бир жерде кыймылсыз туруп калышы клеткалардын тез өлүшүнө шарт түзөт, жыйынтыгы ооруунун очогу пайда болот. Ошон үчүн сырдашкан адамга эч кимге айтпа деп аны кыйноонун кажети жок. Анын да ден соолугун ойлоо зарыл.Себеби, сен ал кыжаалатчылыгыңды бирөөгө өткөрүп койдуң, эми ал сырды уккан адам кыйнала баштайт.Аял кишиге айткандан корккондор эркекктерге айтат. Ал эми, эркек киши аны сөзүз эркек адам менен бөлүшөт, жыйынтыгы кайра эле аялдарга айтылып, алар аркылуу көркөмдөп көбөйтүлөт. Ошентип ушактын учугун улоо башталат. Демек, ушактын башчысы өзүң экендигиңди мойнуңа ал. Себеби, аны сен өзүң айтпасаң башкалар билмек эмес. Шамал болбосо, чөптүн башы кыймылдабайт деген макал бекеринен эмес. Ошон үчүн “ичиңдеги сыр” менен кантип иштегенди өздөштүрүү зарыл.
Эмнени көп ойлоносуң, сүйлөйсүң?
Кайсыл ой сага кандайча таасир берет? Байка?! Жокчулуктубу? Барчылыктыбы? Өзүмдү кандайча сезем? Жетишпестиктиби? Байлыктыбы? Өзүмдү кандайча сезем? Пайданыбы? Карыздыбы? Өзүмдү кандайча сезем? Согуштубу? Тынччылыктыбы? Өзүмдү кандайча сезем? Өч алуунубу? Ынтымакта жашоонубу? Өзүмдү кандайча сезем? Ооруунубу? Ден соолуктубу? Өзүмдү кандайча сезем? Күрөшүүнүбү? Атаандашуунубу?
Бүгүнкү күндө кандай жашап жатам? Сезимиме дайыма байкоо жүргүзөм.
Ойлогон оюм менен жашаган турмушум айкалышабы? Же оюм алдыга кетип, жашоом арттабы? Келечекти көп ойлономунбу? Өткөн жашоону көп ойлономунбу? Учур чакты, азыркы, бүгүнкү жашоодо жашай аламынбы же жашап жатамынбы? ж.б.у.с. көптөгөн суроолор. Жоопту ар ким өзү алат.
Ар бир ойлогон ойдун сапаты – бүгүнкү жашоонун мөмөсү.
Учур чакта жашоо деген эмне? Өткөн жашоого кандайча түшүнөсүң? Келечек жашоого кандайча түшүнөсүң?
Ар бир адам жер бетине жашоого келгенден кийин өзүнүн максатын, тилегин, оюн, сөзүн , ачык, так, даана айтып аны өз убагында аткара билүүсү керек.
Адам баласы ар бир секунда сайын өзүн бактылуу сезип, жашоодон ырахат алып жашоо үчүн эмне керек?
Мен эмнени каалаймын ? – деген суроого ачык, даана, так жооп берүүнү үйрөнүү. Ден соолукта, сапаттуу жашоо үчүн албетте, ойдун тазалыгы, жан дүйнөнүн тынчтыгы керек.
Жашоодон “сага эмне керек?” – экендигин сөзсүз бил. Башкача айтканда заказыңды Алла Талаага кантип айтууну билген жакшы.
– “Мен ар бир секунда сайын өзүмдүн ден соолугумдун чың болушун ниет кылам».
– “ Денем чыйрак, деним сак, ыкчам кыймылдап, акыл– эсим, жүрөгүм биргеликте ой жүгүртүп, каалаган нерсемди жасоону ниет кылам”.
– “Оюм менен жүрөгүм биргеликте ойлонот”, каалаган ниетиме, тилегиме жетүү үчүн:
– учур чакта каалоом бирөө, максатым бирөө кана болуш керек.
М: “Мен ден соолукта болууну ниет кылам, каалайм” же
“Мага чын ден соолук керек?” же
“Азыр ушул секундадан баштап мен өзүмдү чың ден соолукта сезип жатам!”
Үч варианттын бирин кана алып иштейбиз. Себеби, азыр, ушул учур чакта бир кана заказ Ааламга жөнөтүлөт. Каалашыңча ар бирин өзүнчө айтып көрсөң болот.
–
[А] Мен өзүмө өзүм ден соолукта болууга уруксаат бедим! Мен ден соолуктун толкунудамын!
Ден соолуктун коду.
Анда эмесе, биринчиден: “Мен азыр, ушул секундадан баштап өзүмдү чың ден соолукта сезип жатам!”
”Азыр, мен ден соолуктун толкунуна уландым!” Эми, дем алып, дем чыгарам 5– 7 жолу – оюм менен ойлоном, ушул ойду, үнүмдү чыгарып айтам же шыбырап сүйлөнөм, кагазга жазып окуйм, ушул сүйлөмдү, көз алдыма кыялым менен өзүмдү ден соолукта экендигимди элестетем, сезимим менен денемди ден соолукта сезем, Анан унутам дагы ошол максатыма жетүү үчүн керектүү нерселерди жасайм ( б.а. тезирээк ишке ашуу үчүн каалоо ниетти кое берүү керек,) денедеги орууну ыраазы болуп, коюп жиберип, бош калган орунга “Азыр ден соолук менен биргемин!” – деген ойду, сезимди киргизем.
Организмдин гармонияда, бир калыпта иштеши үчүн төмөнкү сөздөрдүн “кодун” айтабыз:
“Мага ден соолук!”– Ден соолукка “кошулгун!” – “Өзгөргүн!” – “Жеткир!” – “ Жөнөкөйлөт!” – “Биргебиз!” – “Чыныгы!”– “Жашар – Жаңылан!” – “Ден соолукта бол!” – “Сүйөмүн!” – “Мээр төгөм!” – “Нурду бир калыпта кабыл алам – чачыратам!”– “Мен тең салмактуулуктамын!” –“Кечир!” “Кечиремин!” “Ыракмат!” – “Ыраазымын!”
Же болбосо, бул сөздөр дененин “өзүн – өзү” калыптандыруусуна жардам берет. Ар бир адам денеси өзү түзгөн программа менен иштейт.
Экинчиден: Сууга айтып,
– менин ден соолугум чың,
– мен бактылуумун! – деп ичип,
– мен ар дайым ден соолуктамын! – деп денең менен сезген жакшы.
Бул сөздөр дене үчүн өтө маанилүү. Баардык жерде негизги орунду “СЕЗИМ””СҮЙҮҮ” нуру ээлейт!
Суу менен, денени бузган маалыматтар, өзүнүн деңгээлинде ар бир клеткага, ички органдарга чейин жетип тазаланат. Суу денени тазалайт, агартат, дарылык касиети өтө чоң жана дагы эң чоң маалымат сактоочу күч.
Ошондой эле, жеген ичкен тамактын баары маалыматты сактайт.
Ошондуктан, тамак ичип жатканда эмнени сүйлөп, өзүңдү кандай сезип тамагыңды жеп жатасың? Көңүл бөл!
Телевизорду тиктеп отуруп, тамак ичсең кандай информацияны кабыл алып, эмнени денеңе сиңирдиң, кандай маалыматтын энергиясын денеңе тараттың? Эмнени көрүп жатасың өлтүргөндүбү, ыйлагандыбы же, кубангандыбы?
Кандай сезим менен жедиң? Териге, ички органдарга ошонун баары сиңет.Өзүңдү байкасаң, нервдериң кандай акыбалда болот? Булчуңдарың өзүн кандай сезди? Аш казанга тамак менен кошулуп кандай маалыматтар түштү? Ичегилердин иштеши кандай болду? Акыбалың кандай болуп калды?
Эми ошол терс көрүнүштөр, ден соолукту бузуучу маалыматтар сага керекпи?
Аны жабыркаткан ким? Эми, мындан ары аларды көрбөй эле башка каналга бурсамчы?– деген суроолорду өзүңө өзүң берип көр.
Мен өзүмдү күнүмдүк жашоомдо айлана чөйрөдөгү адамдардын жашоосуна карап, албетте, биринчи иретте өзүмдүн тагдырыма, ден соолугума, бүгүнкү күндөгү акыбалыма анализ жасап, баамдап келе жатам. Ар бир адам өз тагдырын өзү бешенесине жазаарына ишендим. Ал процесс ар бир көз ирмемде жүрүп тураарына көзүм жетти.
Өзүмдүн ден соолугумду өзүм бузуп, турмушумда ар кандай тоскоолдуктарды түзүп келгендигиме күн өткөн сайын ар кандай далилдер менен таксыктап, “аң сезим менен түшүнүп” келе жатам. Түшүнүп эле койбостон, ал адаттан арылуу керектигин өзүңө өзүң түшүндүр. Ал үчүн кайрадан ар бир адам өзүн өзү тарбиялоосу зарыл.
“Аң сезим менен түшүнүү – бул анализдеп, акылды өлчөп калчап, логика менен интуицияны тең иштетүү б.а. жашоо менен байланыштырып түшүнүү”. Ар бир клетканын, органдын, дененин, бүткүл тулку боюдун өзүнчө “аң сезими” бар. Баардык нерсе “жандуу”.