Таза ойлор Так сөздөр

Эмнеге “Мен”, “Сен”, “Ал”, “Биз”, “Дүйнө”, “Аалам”, “Кудай” деген сөздөр көп колдонулат?

Ар бир адам дене түзүлүшү көп кырдуу, көп тармактуу жана ар кандай көзгө көрүнгөн жана көрүнбөгөн дүйнөлөр менен тыгыз байланышта. Медициналык көз караштан сырткары, эзотериканын тили менен айтканда, адам дене түзүлүшү негизинен жети денеден турат, орустардын “Матрешка “ куурчагы сыяктуу көзгө көрүнбөгөн энергиядан турган денелер бири-бирине кийгизилип турат. Ал нерсени көпчүлүк адам түшүнө элек. Ошондой эле ошол денелерди бири– бирине байланыштырып, адамды кыймылга келтирип, жылуулук берип, жандандырып, жашатып жаткан көзгө көрүнбөгөн нур жипчелер, нур каналдар, энергетикалык нур айландыруучу борборлор бар экендиги тууралуу көп маалыматтар бар. Мен дагы көпчүлүк катары бул нерсени түшүнүү үчүн издендим. Ал денелердин бар экендигине ишенип, физикалык дене башка денелер аркылуу тыгыз байланышта экендигин түшүнгөндөн кийин кана, мындай маалыматтын ар бир адам үчүн керектигин түшүндүм. Жана аны көпчүлүктүн түшүнүп алуусун ниет кылдым. Себеби, ден соолукта болуу үчүн бул маалымат адамдар үчүн керектигине ынандым. Ошон үчүн китеп аркылуу түшүндүрүү зарылдыгын колго алдым. Албетте, бул нерсени менден эч ким суранган жок, бирок билген маалымат менен бөлүшүүнү туура деп таптым. Кээ бир адамдар, китеп жазуу – бул сенин “миссияң” деп да айткандарды уктум. Жыйынтыгында, миссияны(предназначение) ар бир адам өзү түзөөрүнө ишендим. Ал сенин мурдатадан жасап келе жаткан турмуштук тажрыйбаң экендиги анык. Бул нерсе маалымат талааңда болбосо, мындай нерсенин бар экендигине ишенмек эмесмин. Түшүнгөндөн кийин жаным жай алып, жазууну менин чыгармачылыкта иштөөм деген ишеним менен анан жазууну баштагам. Бул жөн эле “атак даңк” үчүн же “акча табуунун негизги булагы эмес” экендигин бара-бара түшүнө баштадым. Чындыгында өтө чөң жоопкерчилик. Мен аны түшүндүм. Билген, көргөн нерсемди дагы ооз жабып отура берүүнүн кажети жок экендигин түшүндүм. Себеби, билим – ал энергия, менин физикалык денем, ден соолугум менен байланышкан. Аны алып, берип сарптабасаң ден соолуктан ажыраарымды түшүндүм. Ал эми ден соолукта болуу үчүн ал энергия менен иштеш керек. Чыгармачылык энергиясын иштете билүү керек. Ошентип, жазуунун мен үчүн зарлдыгын мойнума алдым.

Эми, денеде жылуулук болбосо, же ашыкча болсо, адам денесинде эмне болоорун түшүндүңөр. Энергетикалык денелерди бири– бирине байланыштырып нур өткөрүп турган ар биринин өзүнүн энергетикалык борборлору бар. Ал жөнүндө бул китепте кыскача түшүнүктөр жазылды.

Мектеп программасында математика, физика, геометрия илимдеринде ар кандай фигуралар жөнүндө адамдарга билим берилет. Мына ошол, биз күнүмдүк жашоодо угуп, көрүп, пайдаланып жүргөн фигуралар дагы адам баласынын дене түзүлүш системасындагы бар нерселер. Аны биз ачык көрбөгөн үчүн ишенбейбиз. Туурабы? Ал жөнүндө кеңири маалымат алгыңар келсе “Сакралдык геометрия” илими аркылуу түшүнүк алсаңар болот.

Мен китепте кеңири пайдаланган “Мен”, “Сен”, “Ал”, “Биз”, “Дүйнө”, “ Кудай” деген сөздөр адамдын ден соолугу, денеси менен түз байланышта болгон денени активдүү ишке киргизүүчү сөздөр. “Кудай” деген сөздү эң жогорку алкактагы “Жаратуучу – нур”– деп түшүнсөңөр да болот. Ушул сөздөр аркылуу чачылып кеткен денелер бири– бирине биригип, топтолот, бири– биринен ажырап же бир жагына кыйшайып калган көзгө көрүнбөгөн дүйнөдөгү денелер өз калыбына келет, б.а. ортодогу боштук жабылат, рак оорууларын пайда кылган тешиктер, жылчыкчалар жабылат. Ар кандай геометриялык фигуралар калыбына келип, денедеги пирамидалар өз нугуна келет. Кванттык дүйнө менен байланыш калыптанып, денедеги тартылуу, түртүлүү күчтөрү өз нугуна түшөт, денеде бир “Бүтүндүк” пайда болот. Ойдун ритими калыптанат, же чар жайыт, баш аламандык жоголот. Бузуглан түштөр оңолуп, уйку өз нугуна түшөт, астралдык дүйнө калыптана баштайт. Бул деген адамдын “чың ден соолук каналына” уланышы деп эсептеймин.

Ар бир адамдын бүтүндүгү – бул дүйнөнүн бүтүндүгү. Адам тынч! Дүйнө тынч! Аалам тынч! Кудай тынч!

Албетте, медицина физикалык денени жакшы өздөштүргөн, бирок бул маалыматтардан дагы терең түшүнүп, илимдерди бири– бири менен байланыштырып, башка илимдерди дагы чогуу пайдаланса ден соолукту калыптандыруу процесси өтө эффективдүү болмок. Оорулууну дарылоодон мурун анын сезимине , ойлогон оюна, сүйлөгөн сөзүнө көңүл бөлүп угуу менен анын ооруусунун кайдан келип жаткандыгын түшүнсө болот. Бул нерсени адам түшүнгүсү келеби же келбейби аны ар ким өзү чечет. Бирок ишенбеген адам дагы китептеги сөздөр аркылуу өзүн бириктирип алса болооруна көзүм жетти. Көздүн милдети карап окуп коюу, ал эми дене өз милдетин аткарууга киришет, себеби ар бир денедеги бар нерсе жандуу, анын өзүнүн аң сезими бар. Качан, кайсыл убакта, кайсыл сезимин активдештирилип кетет аны айтуу кыйын. Ошондуктан өзүңө өзүң жардам бер.

Албетте, ден соолукта болуу ар бир адамдын өзүнөн. Өзүн өзү карап, сактап, коргой албаган адам, башка бирөөлөрдүн кароосуна зар болот. Эми, мен бул китеп аркылуу адамдарга эч кандай формуласыз, түшүнүксүз илимий сөздөрдү пайдаланбай эле “эң жөнөкөй” кыргыздын жатык тили менен жазып өзүмдүн түшүнүгүм менен түшүндүрүүнү чечтим. Себеби, өзүм дагы илимпоз эмесмин.

Ар бир жогорудагы айтылган сөз бул денелерди бири– бири менен бириктирүүчү, бир бүтүндүккө алып келип, ден соолукка алып келүүчү сөздөр. Мен аны кээ бир адамдар аркылуу тажрыйбалап көрдүм. Ден соолугу жакшырып, өздөрүнүн бекем, чыйрак болгонун, денеси аркылуу сезгенин айтышат. Жүрөгүмдөгү кыжаалатчылык кетти, көкүрөгүмдөгү уйгу– туйгу болгон, жанымды жер тарттырган , эмне кылаарымды билбей жаткан сезим кетти. Көкүрөгүмдөгү тескери айланып, кыжырымды келтирген нерсе токтоду деген аадамдарттааныштар арасында көп болуп жатат. Көбүнчөсү, “Жок нерсем табылгандай болуп, көкүрөгүм толуп, денем жумшап калды, өзүмчө эле сүйүнүп жатам”,– деп таң калышат. Ыйлабай калдым, баскан утрганым жеңил болуп, баш аламандык токтоду, урушпай калдым, уйкум тынч болуп жакшы уктап калдым – деген сөздөрдү угам.

Тажрыйбалардын биринде бир аял киши, “Мен эми, сүйгөнүмдү издебей калдым!” – деп өз сезимин билдирди. Эмне үчүн? Себеби, ал кудай нуруна, сүйүү нуруна болгон байланышын денеси аркылуу калыптандырды, бирөөгө болгон муктаждыгы жоголду, жалгыз калам деген коркунучу кетти. Ал бүтүн адам болуп калды, баардык дүйнөлөр менен байланышы калыптанды, ошон үчүн өзүн “Менин баардык нерсем бардай болуп калдым!” – деп сезет. Руханий дүйнөсү нурга толуп, өзүн гармонияда сезет. Жан дүйнөсүндө тынччылык орнойт. Ички дүйнөсү бүтүн адам, сырткы дүйнөдө өзүн бейкапар сезет. “Аалам гүлүстан!” – дегендей.

Денеде баардык нурлар өз нугунда өтүп турса эч кандай ооруу денеде токтобойт, себеби, денеге керектүү витаминдер, аминокислоталар, минералдар табийгаттан, жараткандын нурлары(энергиялар) аркылуу өз нугунда денеге келип сиңип, иштетилип кайрадан денеден сыртка чыгып кетет, денени тынымсыз нурлар менен тамактандырып турат. Ал эми энергия жетпеген адам канча тамак жесе да тойбойт. Ички дүйнөсү ачка адам ач көз болот.Канчалык дүйнөсү көп болсо да аздай сезилет. Өзүнө эмне жетпей жатканын түшүнө албай кыйналат. Пейили ач болгондуктан, адам сук боло баштайт. “Пейилиңден көр” деген дагы бекеринен эмес.

Ошон үчүн руханий жактан илим алуу, керектүү сөздөрдү пайдалануу ден соолукка пайда, себеби денени тең салмактуулукта кармап, баланстап турат. Ошон үчүн кээ бир адамды “Бул сары суу ичип деле семире берет” – деп коюшат.

Эми, аны ар бир адам өзүнүн кабыл алуусуна жараша түшүнөт, пайдаланат. Баардык нерсени убакыт көрсөтөт, убакыт дарылайт. Өз денесине, өз сезимине ишенген адамда сөзсүз ийгилик болот. Өзүңө өзүң ишенбесең сага ким ишенмек эле, ошон үчүн өзүңө бек бол, бекем бол! Өзүңө өзүң бий бол, хан бол, пир бол! Өз денеңе өзүң кожоюн бол! Ошондо кана ишенимдүүлүк бекемделип, омурткаң, белиң бекем болот, материалдык акыбалың, адамдар менен болгон мамилең өз нугуна келет.

–

[А] Менин жашагым келет! Мен өзүмө өзүм жашоого уруксаат бердим! Мен жашап жатамын!

Бул жашоого эмне үчүн келдиң?

Адегенде, кээ бир адамдар ойлогондой эле, мен дагы терс ойлордун агымында болуп, күнөөлүү адамды издеп, колумдан келишинче жемелеп, өзүмдү кошо күнөөлөп жашап келдим.

Ким изденсе ал адам сөзсүз изденгенин табат. Бул чындык. Албетте, мен өзүмдүн акыбалымдын начарлашын изилдедим. Аны кайрадан оңдоонун жолдорун таап, ден соолугумду, жашоомду, жакшыртууну ниет кылдым.

“ Жакшы тилек, жарым ырыс” дегендей күндөн күнгө түшүнбөгөн суроолорума жооп табылып, чечилбеген маселелерим чечилип келе жатат. Суроо берсең сөзсүз жообу ар кандай шартта, ар кандай жолдор менен келет.

Эми, менин өзүмө болгон, адамдарга болгон ишенимим күндөн күнгө бекемделүүдө. Себеби, мен ар бир адам менен мамиле түзүү менен, айлана чөйрөдөгү мени курчаган адамдарды көрүп, кандай адамдар менен мамиле түзүп жаткандыгымды жана келечек жашоомо кандай “үрөн” сээп жаткандыгымды “аң сезимим менен түшүнгөндөн» кийин кана жаңыча жашоого өткүм келди. “Өзүмдү кайрадан тарбиялоону тилеп, өзүм менен өзүм иштөөнү баштадым”.Ар бир адам “өз баласын” тарбиялоодон мурда, “өзүн – өзү» тарбиялоо керек экендигин түшүндүм. Себеби, “тарбия” деген нерсе ар бир адамдын туулгандан канында, генинде, инстинкинде бар нерсе. Аны болгону эстөө кана керектигин түшүндүм.

Адамдын бул дүйнөгө кеглендеги милдети: жөн кана жашоодон тарбия алуу, жер бетинде жашоону үйрөнүү, “жаратууну үйрөнүү” экендигин түшүндүм.

Ал деген нерсе :

– “аң сезим” менен түшүнүү, “өзүңдү өзүн сырттан көрө билүү”, “өзүңдүн кетирген кемчилигиңди айлана чөйрөдөгү адамдар чагылдырып көрсөтүп жатканын түшүнүү”, жаныңдагы ар бир адам – “сен, ички дүйнөңдө учур чактагы өзүң» экендигиңди түшүнүү” “ошол кемчиликтин үстүндө иштөө”,

– мамилеңди оңдоо, бирөөгө айтылган сөз өзүңө өзүң айтып жаткан сөз экендиги түшүнүү, “өзүңдүн терс оюңду тазалап”, позитивге буруу

– “пейилиңди кенен коюп”, айкөлдүккө үйрөнүү, “сөздөрдү өз ордунда айта билүү”, маанисин түшүнүп сүйлөө, “өзүңдү – өзүң урушуп, жемелөөнү токтотуу”.

– өзүңдү өзүң урушуу менен өз дүйнөңдү бузуп жаткандыгыңды түшүн, өзүңдү кандай болсоң ошондой кабыл алууну үйрөнүү.

“Эмнени кааларыңды ачык, так “ойлоно”, “айта билүү”, “сезе билүү” Мисалы : – “Мен ушул минута, ушул секундадан баштап өзүмдү өзүм урушканды, жемелегенди токтоттум”.

“Урушуу, жемелөө, күнөөлөө, күнөөлүү болуу” – деген сөздөрдү өз нормасында өз нугунда качан, кимдер арасында, кантип пайдаланууну так, даана, өз өлчөмүндө билемин.

“Өзүмдү кандай болсом, ошондой кабыл алдым” “Менин жашагым келет”.“ Мен сапаттуу жашоону тандадым”.

“Мен кубанып, сүйүнүч менен жашап жатам”.“Мен өз дүйнөмдө бир кана өзүм “негизги адам” экендигимди түшүнөм жана өз алдынча, “эркин адам” экендигимди кабыл алдым”.

“Менин эрким жана аң сезимим кол тийгис!”“Мени эч ким сөз кылууга, айыптап, каралоого акысы жок, ар бир адам өзүнчө чоң Аалам бөлүкчөсү!”– экендигин түшүндүм.

Ар бир адам жашоонун жыргалын көрүүгө татыктуу. Аны бузган адамда илимдин, билимдин, маалыматтын жана жашоодон алган тажрыйбасынын керектүү деңгээлде жетишпегендиги экени анык. Ошондуктан, бактылуу болгуң келсе төмөнкүдөй ойлордон пайдалансаң болот: “Мен Ааламда бар баардык жакшы жашоонун ээси болгум келет”.“ Мен ушул секундадан баштап бактылуу болууну чечтим!”“Мен бактылуу болууга татыктуумун”.

“Мен өзүмө өзүм бактылуу болууга уруксат бердим”

“ Мен өзүмдүн бактымды кабыл алдым”“Мен бактылуу жашап жатам!”“Мен бактылуу жашап жатканыма ыраазымын!”

“Мен ар дайым, өмүр бою бакыттын толкунундамын!”

ж.б.у.с. ойлорду ойлоп, сөз менен айтып, тилек, ниет кылуу жакшы жардам берет. Ачкыч сөздөргө көңүл бөлүп, маанисин түшүнүп айт.

–

[А] Менин оюм таза, сезимим тунук, сөздөрүм так, көңүлүм шат! Таза ойлор ден соолуктун булагы!

Ой кандайча иштейт?

Ой – бул нур. Ар бир адам – басып жүргөн жаны бар «антенна» сыяктуу. Укканга күлкүлүү, бирок ой менен ар кандай толкунга уланып турабыз.

Кандай ойлонсоң ошол ойдун толкунуна уланасың, телевизор, радио, телефон каналдардын толкунунда маалымат берген сыяктуу. Бирок, ойдун кубаттуулугу атомдук бомбадан да күчтүү экендигин далилдеген материалдар көп. Интернет аркылуу каалаган сурооңду берип, ар кандай жоопту ала аласың. Эмнеге ишенсең ошол нрсе сен үчүн туура.

Ойдун нуру, энергиясы укмуштай көп тармакта. Негизинен оң ойдун тармагы, терс ойдун тармагы дагы өзүнчө чоң дүйнө. Ал эми, өзүнчө талдап келгенде адамда кандай мүнөз болсо ошонун бары өз алдынча “нур тармак”. Ал эми, кубаттуулугу боюнча ойдун оң тармагы эки эсе күчтүү жана ден соолукту чыңдайт.

Адам баласы бир эле убакта бир канчалаган нурларга уланат. Уюлдук байланыш сыяктуу көзгө көрүнбөгөн миллиондогон, миллиарддаган нур жипчлерден турат. Канча сан болсо ошончо байланыш бар деп ойлоймун. Бул менин пикирим, а сен өзүң ойлонуп көр.

“Учур чакта” кандай ойду ойлонуп жатсаң ошол “ойдун толкунундасың!”. Аны башкаруу сенин колуңда. Ал эми, ал толкундарды күчүнө киргизип, кубаттантып жаткан ар бир адам энергиясы, ойлогон ою, сүйлөгөн сөзү.

“Адам баласы – жаратуучу!”. Адам ою мейкиндикте кичинекей нур,ой менен чогулуп отуруп, океандай чоң толкунду ишке киргизет, б.а. жашоодо ГЭСтер электр тармагына ток берип жаткан сыяктуу.

Ойдун ылдамдыгы ар бир адамдын ой жүгүртүүсүнө жараша, денең канчалык деңгээлде таза, ден соолукта же кир, оорулуу акыбалында болсо, ошого жараша ойлоруң, жашооң болот. Ошого жараша аткарылуунун, ишке ашуунун убактысы, ылдамдыгы аныкталат.

Адам оң ойдун толкунундабы же терс ойдун толкунундабы? Же экөөбүн тең кармаган тең салмактуулуктабы? Мисалы, күн чыкканда эле, “күн нуру жерге тарадыбы?”, – ой дагы ошол сыяктуу, өтө тез ылдамдыкта тарайт. Вмрус сыяктуу иштейт.

Адам канчалык бир ойлогон ойду тынымсыз көз алдына элестетип, өзүнүн күчүн, энергиясын, ден соолугу менен ошол ойдун түптөлүшүнө өз салымын кошуп, сөз менен айтып, сезими менен сезип, күндөн күнгө кайталай берсе, ошол ой “тыгыздалып”, “жышталып” отуруп тез “формага” кирип, “образы” түзүлүп, анан бүгүнкү жашоого “буюм, тагдыр, турмуш” болуп келет. Чындыгында ал процесс күнүгө жүрөт, негизинен адамдар өзүн өзү талкалап жок кылуунун аракетинде. Аны мойнуна алгысы келбейт. Себеби, өзүнүнө өзү душмандык кылып жатканын түшүнгүсү келбей, күнөөлүүнү издейт. Бул чындык. Мен аны түшүндүм. Эми, өзүмдү өзүм жеңип, адамдык касиетимди кайрадан кайтарып алуу керектигине көзүм жетти.

Ал эми ойдун кубаттулугу канчалык күчтүү болсо, ал форма Ааламдагы ошол толкунга уланат да өзүнө миңдеген, миллиондогон көп күч кубат менен денеге кайтып келип ойду күчөтөт, энергияңды өзүнө тартып, материалдык дүйнөгө келе баштайт.

Кандай ойлонсоң, ошол “ойдун башаты” сенин кана “жан дүйнөңдө” б.а. “ичиңде”, “денеңде” нурдун башаты жайгашкан. Ошон үчүн дайыма тартылуу күчүнүн негизинде “окшош нерселерди өзүнө тартат”. Ал эми ишке аша баштаганда “мына мен айтпадым беле”, “айтканым келди”,– деп сүйүнөбүз же “ошондой болот болуш керек”,”ушундай болуп калбаса эле болду” деп күткөн нерсени алгандан кийин күйүнөбүз. Учурунда ал нерсени түзбөй койсо болооруна маани бермек түгүл, кымындай да өзүңө пайда келтирүү керектигин ойлонбой автоматтык түрдй жаса бересиң, себеби. Сенин гениңде “өзүңдү бузуп, өлтүрүүчү” программа бар. Ошон үчүн көпчүлүк адамдар жаман нерсени угат, көрөт, коркунучу менен кубаттайт, анан бул дүйнөгө пайда кылып, бири– бири жалооруп тиктеп, жакшы адам болуп бири-бирине жардам бере башташат. Эми, ошондой ой келе баштаганда эле андан баш тартуу керектигин өз учурунда ойлонгон болсо албетте, мындай көрүнүштөр токтомок. Баардык нерсе ойдон бшталат, ой энергиядан турат. Аны күчкө киргизген ар бир адам баласы. Акылы менен иштеп, жүрөгүн уга албаган адамдар.Акыл материалдык дүйнөдө жашайт, иштейт. Жүрөк жан дүйнө менен байланышкан ал акылман, жана кандай жол менен барса жашоо кандай болоорун алдын ала билет жана көрөт. Ошон үчүн сени азыр ким башкарып жаткандыгын түшүн.

Бүгүнкү күндөгү турмуш ар бир адам өзү түзгөн ой дүйнөнүн ишке ашышы. “Аң сезимде, жан дүйнөңдө” эмне болсо ошол кана ишке ашат.

Көзүң эмнени көрсө, ошол нерсени мээң иштеп чыгып жашооңо тартуулайт. Ой жүгүртүүң, ички дүйнөң, сезимиң кандай акыбалда болсо ошондой шартты өзүң түздүң, өзүң кана жашайсың.

Эми ар бириң өзүң ойлонуп көр, өзүңдүн тагдырыңды өзүң талда. Үй бүлөңдү кара, иштеген ишканаңды, тууган уругуңду, айылыңды, шаарыңды, мамлекетиңди кара. Кандай адамдар сени курчап,кандай жашоодо жашайсың? Ага сенин айлана чөйрөң күбө.

Бул, ар бир адам өзү түзгөн дүйнө. Сен өзүңдү кандай “сезсең” дал ошол дүйнөдө, үй бүлөдө, мамлекетте жашап, иштейсиң.

Ким кайсыл ойдун толкунунда? Эмнеге күчүңдү кетирип, эмнени күчтөнтүп жатасың? Ден соолугуңду байка? Денеңдин кайсыл жери жабыр тартып, оорууга чалдыкты? Оюңдун күчүн өзүң байка? Жашаган үй бүлөңдүн деңгээлинде элеби же мамлекетиңден ашып бүт дүйнөгө кетип жатабы? Оюңдун сапаты кандай? Кандай сөздөрдү көп пайдаланасың? Өзүңдү кандай сезесиң? Мындан ары көнүмүш адат керекби же…? Өзүң чеч!

Жакшылап ойлон – бул сенин ден соолугуң, тагдырың. Сенден тараган урпактарындын ден соолугу, тагдыры. Бул деген жашаган айылдын, шаардын, мамлекеттин, бүткүл Аалам тагдыры.

Эмне үчүн? Себеби, ал сенин жашоого болгон көз карашың, өзүңдүн жан дүйнөңдөгү акыбалың.

Баардык нерсе – “ар бир адамдын өзүнөн” башталат.

Ой – бул “Бумеранг– чамгарак”. “Ойдун автору ким ?” Жообун, албетте ошол адам, биринчи “өзү” кана алат.

Бирок, кимди ойлонсо ошол адамга кошо “зыян” же “пайда” кылат. Себеби, ойлогон адам менен ойлонгон адамдын ортосунда заматта “энергетикалык көзгө көрүнбөгн нур жипчелери” пайда болуп, заматта “байланыш түзүлөт”. Мактаган болсо кулагы кызып, сөз кылган адамда сүйүнүч пайда болот. Аны кээ бир сезимтал адамдар кимдер, эмне жөнүндө сөз кылып жаткандыгын сезе алат, көз алдына элес болуп келет. Ал эми “ушак кылып, жалаа жапкан болсо”, анда ал адамда ык тутуу, тамак буулуу, жүрөк сыгылуу, кээде катуу ооруп калууга чейин барат жана денесине ал негативдүү көрүнүш кадан зыян алып келгендигин сезиминде сезип, түш аркылуу көрөт. Катуу ушактагандан кээ бир адам температура болуп ооруп калышы да мүмкүн. Ал жөнүндө ушактын кызуусуна кирип кеткен адамдар ойлоп да коюшпайт. Аары чаккан сыяктуу сөз менен атака кое беришет, “аа эми баланчанын кулагы кызып жатат го” деп, күлүшүп, оюн катары түшүнөт. Чындыгында ар бир адам “улуу адам”, аны эч ким сөз кылууга, ушак менен соттоого акысы жок. Ар кимдин турмуштук жолу ар түрдүү, ар кандай шартта турмуштан тарбия алат. Жана бирөөнү бирөө ушактоого акысы жок. Бирөөнү ушактоо менен өз тагдырыңа өзүң балта чабаарыңды унутпа.

Уюлдук телефондор кандайча иштейт? Адам энергиясы дагы дал ошондой иштейт. Бирок энергия сөз түрүндө үн чыгарбай “сезим” менен иштейт. Кээ бир сезими күчтүү адамдар кана башына келген, кулагына угулган “шуулдаган үндү” угушу мүмкүн. Бир күндө адамга 14 000 000 дон ашык ар кандай ойлор келип кетип турат деп окумуштуулар изилдешкен. Аны териштирип кабыл алуу же албоосу адамдын өзүнүн турмуштук тажрыйбасына жараша. Өтө аз өлчөмдөгү адамдар кана ойлорун териштирип филтирлей алат. Мен, мына ушуга окшогон жашоодо анчалык маани берилбей, бирок адам дене түзүлүшүн бузуп, адамдарды оорууга , бактысыздыкка чалдыктырган нерселер жөнүндө сөз козгоп, анын түден соолукка, тагдырга кантип таасир бере тургандыгы жөнүнө сөз баштап жатам.

Аны түшүнүү үчүн көпөгөн илимдин тармактары керек, медицина, биоэнергетикалык “билим”, кванттык физика билими, ааламдагы энергия толкундарын түшүнүү, адам дене түзлүшүн түшүнүү, химия, физика, биология, зоология, астраномия, математика, геометрия, медицина ж.б.у.с. илимдер, кыскасы ар тараптан билим алуу жардам берет.

Мен өзүмдүн түшүнгүм боюнча, алган билимдеримдин негизинде өзүмчө жыйынтыкка келдим. Албетте, мен жазып жаткан нерселерге таксытоочу өтө көп китептер, фильмдер, илимий, медициналык далилдөөлөр бар.

Кимге кызык болсо, тереңирээк түшүнүү үчүн дүйнөдөн кабар берчу, кыскача же терең түшүнүк берчү “интернет” маалыматтары бар.

Эми бүгүнкү күндө элимде болуп жаткан турмуштан бир үзүндү алып талдап көрөлү. Турмушта анча маани берилбегени менен көпчүлүк адамдын тагдырына өтө таасир этүүчү биринчи, “негизги” себептердин бири болушу мүмкүн.

Жашоо көп кырдуу, аны ар тараптан изилдөөгө болот.

Мен азыр, төмөндө келтирген мисалдардан кийин кээ бир адамдар кандайча далилиң бар – деп сурашы мүмкүн. Мына ушундай суроо пайда болгондо өзүңдөн, тууган уругуңдун же тааныштарыңдын тагдырына көңүл буруп көр. Мурда күмөнсүрөө менен карасаң, эми коркпой эле сурай аласың. Аны ар бир адамдын бүгүнкү күндөгү келбети, мүнөзү кандай, кайсыл жери ооруйт көрүнүп турат.Ушундай тартипте, эч кимге айтпай кыйналып жүргөн адамдарды түшүнүп алууга болот деп ойлойм. Себеби, кээ бир адам түнт, эч кимге сырын айткысы келбей оорууга чалдыгат. Андай адамга суроо берип отуруп, ичиндеги кыйнаган түйшүгүнөн кутултууга болот. Мына ушинтип өзүңө өзүң далилдөөнү турмуштук өзүңдүн тажрыйбаң менен кана табасың, себеби, ар бир нерсеге адамдын “акылы” далил сурайт. Эми, өзүңдүн тажрыйбаң сага түбөлүктүү билим болуп кызмат кылат.

Ал эми “акылдуу адам” өзүнүн кемчилигин көргүсү келбей актанат, күнөөлүүнү издейт б.а бирөөнүн кемчилигин көрүү “акыл” үчүн абдан оңой. Ошон үчүн өзүңдүн акылыңды ишендирүү үчүн өзүңдү өзүң изилдөөдөн, түшүнүүдөн баштоо зарыл. Төмөндөгү жазуулар коркутуу үчүн эмес, жашоонун процессин “ түшүнүү” үчүн жана ар бир адамдын өз тагдырын өзү кантип түзүп жаткандыгын көрө билүүсүнө жардам берет. Жүрөгүнүн түпкүрүнөн түшүнгөн адам, бул суроого жоопту өз башынан өткөрүп же айлана чөйрөсүнүн ачык даана көрө баштаганда кана “далилди” ишенимдүү бекемдей алат. Адам тагдыры ар бир адам, өзү тарабынан түзүлөөрүн түшүнөт. Бешенеге жазганды көрөм, деген түшүнүктү терең түшүнө баштайт. Ошентип, “Өзүңдүн жасаганың өзүңө муш” жана “Акылдуу болуу оңой – акылман болуу эмгекти, турмуштук тажрыйбаны талап кылаарына” көңүл бөлө баштайсың.

–

[А] Жаман ойдон бактысыз жашоо курулат. Дене оорууга чалыгат, көйгөй көбөйөт.

Терс агымдагы ойлордун таасири.

Эмесе, “терс ойдогу” адамдардын жашоосунан бир көрүнүш. Бул жердеги мисалдар үстүртөн, анализделип жазылды жана акыры кандай турмушка алып келиши мүмкүн экендигин “эске” алуу үчүн кана берилди. “Сөзсүз ушундай болот экен”, деп коркуунун кереги жок. Жакпаган нерсени өзү каалагандай жакка өзгөртүүгө ар бир адамдын акысы бар.

Ар бир адам жаратылышынан “жакшы” адам. Аны “жаман” кылган анын “жасаган иши”, “ойлогон ою”, “сүйлөгөн сөзү”, “сезими” “учур чакта “ өзүн өзү тең салмактуулукта кармай албагандыгы. Жашоонун закондорун түшүнбөстүгү, адамдар менен болгон мамиледе өзүн “төмөн же жогору” сезиши.

Мисалы: Жумушта жүргөн жаш апа эмчектеги баласын чоң энесине таштап кеткен. Баласы эсине түшкөндү эле , балам ооруп калбаса экен, энем убагында тамак бергенди унутуп калбаса эле, – деп ойлойт.

Эми ошол ойдун кандайча иштешин жөнүндө, жашоонун бир тармагын мисалга алып анализдеп көрөлү.

БАЛАГА : Апа менен баланын ортосунда заматта энергетикалык байланыш пайда болду. Апа баланы өзүнүн “күмөнсрөөсү” менен наристени – “күмөнсүрөөнүн, корунучтун толкунуна улады”,

– экинчиден балам ооруп калбаса экен дегени, баланын денесин алсыратты, иммунитетин начарлатып тез-тез шамалдоосуна алып келиши мүмкүн. Албетте, омуртка аркылуу өтүүчү токтун кубаттуулугу өзгөрдү,

– эненин боору ачыганы, жаш баланын Аалам менен байланышын начарлатты, өсүүсүнө тоскоолдук кылганы. Келечекте бала ишенчээк, таарынчаак, тартынчаак, мүнөзү жумшак, жалтанчаак, өз оюн ачык айта албаган бала болушуна шарт түзүлдү.

ЧОҢ ЭНЕ: энергетикалык канал аркылуу, баланы унутууга шарт түзүзлүп, чоң энеге күмөнсүрөөнүн толкуну уланды.